web counter
LEXO PA REKLAMA!

SHKARKO APP

App Store
Google Play

E fundit!

x

Mallra kontrabandë në portin e Durrësit/ Pranga 35-vjeçarit

10 Prill 2026, 11:37, Kronika CNA

Mallra kontrabandë në portin e Durrësit/ Pranga

Policia e Durrësit ka goditur një rast të kontrabandimit të mallrave.

Si rezultat është vënë në pranga 35-vjeçari E. B., të cilit në furgonin që drejtonte gjatë kontrollit në vijën e dytë iu gjetën produkte të ndryshme të pashoqëruara me dokumentet e nevojshme.

Mallrat e gjetura dhe furgoni janë sekuestruar në cilësinë e provës materiale.

 

 

Njoftimi i policisë

 

PKK Port, Durrës/Si rezultat i intensifikimit të kontrolleve, goditet një tjetër tentativë për të kontrabanduar mallra, në Shqipëri.

Vihet në pranga shtetasi që transportonte me furgon, shumëllojshmëri mallrash të kontrabanduara.

Sekuestrohen mallrat dhe automjeti. 

Në vijim të kontrolleve në hyrje-dalje të Republikës së Shqipërisë, të kryera nga shërbimet e Policisë Kufitare të PKK Port, Durrës, bazuar në informacione policore, analizën e riskut dhe precedentët e mëparshëm, në hyrje u kalua në vijë të dytë, për kontroll të imtësishëm, furgoni që drejtonte shtetasi E. B..  

Gjatë kontrollit në këtë automjet u gjetën bizhuteri, produkte kozmetike, veshmbathje, produkte ushqimore, medikamente mjekësore, lubrifikantë për automjete etj, të dyshuara të kontrabanduara, pasi nuk shoqëroheshin me dokumentet e nevojshme provuese.

Në përfundim të veprimeve procedurale u arrestua në flagrancë shtetasi E. B., 35 vjeç, banues në Tiranë, si dhe u sekuestruan me cilësinë e provës materiale, furgoni dhe mallrat.

Materialet procedurale iu referuan Prokurorisë së Durrësit, për veprime të mëtejshme.





Lajmet e fundit nga