web counter
LEXO PA REKLAMA!

SHKARKO APP

App Store
Google Play

U shpall në kërkim se lëvizte i armatosur në qytet/ Vihet në pranga 21-vjeçari në Lushnjë

9 Prill 2026, 12:17, Kronika CNA

U shpall në kërkim se lëvizte i armatosur në qytet/ Vihet

Një 21-vjeçar i shpallur në kërkim për shkak se lëvizte i armatosur në qytet është arrestuar në Lushnjë.

Në pranga është vënë shtetasi M.S., i cili ishte shpallur në kërkim më 21 mars për shkak se në ambientet e një lokali në Lushnjë, policia gjeti në xhupin e tij një pistoletë.

Pas kontrolleve në banesën e tij u gjet dhe municion luftarak. Ndërkohë ditën që u shpall në kërkim 21-vjeçari, u arrestuan 5 shtetasit që qëndronin me të riun në lokal, për moskallëzim të krimit.

Njoftimi i plotë:

Lushnjë / Kapet dhe vihet në pranga një 21-vjeçar i shpallur në kërkim, i cili lëvizte i armatosur në qytet.

Shërbimet e Komisariatit të Policisë Lushnjë, në vijim të punës për lokalizimin dhe kapjen e shtetasve në kërkim, kanë kapur dhe vënë në pranga shtetasin:

M. S., 21 vjeç, banues në Lushnjë.

Ky shtetas ishte shpallur në kërkim pasi më datë 21.03.2026, në ambientet e një lokali në lagjen “Xhevdet Nepravishta”, Lushnjë, ku qëndronte bashkë me 5 shtetas të tjerë, shërbimet e Policisë gjetën në xhupin e tij dhe sekuestruan një armë zjarri pistoletë. Në momentin e ndërhyrjes së Policisë, shtetasi M. S. nuk ndodhej në lokal. Gjatë kontrollit në banesën e tij, u gjet municion luftarak.

Në vijim të veprimeve për rastin, më datë 21.03.2026, u arrestuan 5 shtetasit që qëndronin me shtetasin M. S., në lokal, për moskallëzim të krimit.

Materialet procedurale iu referuan Prokurorisë së Fierit, për veprime të mëtejshme. /CNA





Lajmet e fundit nga