web counter
LEXO PA REKLAMA!

SHKARKO APP

App Store
Google Play

E fundit!

x

Goditet rrjeti që shpërndante drogë nëpër shkolla/ Në pranga dy vëllezër

12 Prill 2026, 10:12, Kronika CNA

Goditet rrjeti që shpërndante drogë nëpër shkolla/

Policia ka goditur një rrjet që prodhonte dhe shpërndante lëndë narkotike sintetike pranë shkollave të mesme, në kuadër të operacionit të koduar “Shije e hidhur”, i zhvilluar nga Drejtoria Vendore e Policisë Durrës.

Gjatë operacionit u arrestuan në flagrancë dy vëllezër, L. L., 20 vjeç, dhe R. L., 25 vjeç, të lindur në Kavajë dhe banues në Tiranë. Ndërkohë, u shpall në kërkim edhe Xh. L., 20 vjeç.

Sipas hetimeve, këta shtetas kishin ngritur një bazë për përpunimin e drogave sintetike, duke prodhuar lëndë narkotike në formë karamelesh dhe xhelatine, të cilat shpërndaheshin kryesisht tek adoleshentët pranë shkollave.

Gjatë kontrollit pranë zonës së shkollave, policia sekuestroi 50 paketime me lëndë narkotike në formë karameleje me peshë rreth 650 gramë. Ndërsa në banesën e tyre në Tiranë u gjetën sasi të tjera lëndësh narkotike, përfshirë kanabis, materiale sintetike për prodhimin e karameleve me drogë, pajisje për përpunim si peshore elektronike dhe kallëpe plastike.

Autoritetet bëjnë me dije se secili prej të përfshirëve kishte rol të caktuar në prodhim, transport dhe shpërndarje të lëndës narkotike.

Hetimet vijojnë në bashkëpunim me Prokurorinë e Durrësit për identifikimin e personave të tjerë të përfshirë në këtë aktivitet kriminal, ndërsa materialet procedurale do të referohen për veprën penale “Prodhimi dhe shitja e narkotikëve”, kryer në bashkëpunim.

"Sekuestrohen dhjetëra paketime me lëndë narkotike të përpunuar në formë karameleje, xhelatine në formë karameleje, përbërës të ndryshëm që shërbejnë për prodhimin e karameleve me lëndë narkotike sintetike dhe lëndë narkotike kanabis.

Në përmbushje të një prej prioriteteve e kryesore , atë të sigurisë së jetës dhe shëndetit të nxënësve në shkolla, duke parandaluar dhe goditur fenomenet negative me fokus lëndët narkotike, bazuar dhe në  informacionet  siguruara në rrugë operative, nga ana e Seksionit për Hetimin e Narkotikëve, në bashkëpunim me Seksionin për Mbështetjen Operacionale të Hetimit pranë Drejtorisë Vendore të Policisë Durrës, u bë i mundur finalizimi i operacionit policor të koduar  “Shije e hidhur”.

Gjatë operacionit është zbuluar një bazë e përpunimit të drogave sintetike si dhe është goditur grupi që prodhonte dhe shpërndante drogën sintetike  pranë shkollave të mesme.

Në vijim të operacionit u arrestuan në flagrancë dy vëllezër , konkretisht shtetasit L. L., 20 vjeç  dhe R. L, 25 vjeç, të dy lindur në Kavajë dhe banues në Tiranë.

Si dhe  u bë shpallja në kërkim e shtetasit Xh. L, 20 vjeç, banues në Tiranë, ku vijon puna intensive për kapjen e tij.

Këta shtetas, në bashkëpunim me njëri-tjetrin, kishin përgatitur kushtet për përpunimin e lëndëve narkotike, duke arritur të prodhonin lëndë narkotike sintetike në formë xhelatine (“karamele”). Secili nga shtetasit kujdesej për krijimin e kushteve për ushtrimin e aktivitetit të jashtëligjshëm, konkretisht për prodhimin, transportimin dhe shitjen e lëndës narkotike, kryesisht te moshat adoleshente.

Gjatë kontrollit të ushtruar ndaj shtetasit L. L., pranë bllokut të shkollave, shërbimet e Policisë i gjetën  dhe sekuestruan në cilësinë e provës materiale 50 paketime me lëndë narkotike të përpunuar në formë karameleje, me peshë 650 gramë.

Nga kontrolli i ushtruar në banesën e këtyre shtetasve në Tiranë, u gjetën dhe u sekuestruan në cilësinë e provës materiale,  xhelatine në formë karameleje; lëndë narkotike kanabis; 550 gramë material sintetik i gatshëm për prodhimin e karameleve sintetike me lëndë narkotike; një peshore elektronike; kallëpe plastike si ato që përdoren për dhënien e formës së karameleve; si dhe përbërës të ndryshëm që shërbejnë për prodhimin e karameleve me lëndë narkotike sintetike.

Nga ana e Seksionit për Hetimin e Narkotikëve në bashkëpunim me Prokurorinë vijon puna për identifikimin dhe dokumentimin e shtetasve të tjerë të përfshirë në këtë veprimtari kriminale.

Materialet hetimore procedurale do të referohen pranë Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprën penale “Prodhimi dhe shitja e narkotikëve”, në bashkëpunim", njofton policia./ CNA





Lajmet e fundit nga