web counter
LEXO PA REKLAMA!

SHKARKO APP

App Store
Google Play

E fundit!

x

Goditet grupi kriminal që shiste kokainë në Dimal/ Tre në pranga, dy në kërkim

14 Prill 2026, 09:02, Kronika CNA

Goditet grupi kriminal që shiste kokainë në Dimal/ Tre në

Një grup kriminal që shiste lëndë narkotike në Dimal është goditur nga policia. Në kuadër të operacionit policor janë vënë në pranga 3 pjesëtarë të grupit dhe janë shpallur në kërkim 2 të tjerë.

Gjatë hetimeve janë siguruar prova se këta shtetas, të organizuar si grup, siguronin lëndë narkotike të llojit kokainë, e ndanin në doza dhe më pas e shisnin në qytetin e Dimalit.

Njoftimi i policisë:

Drejtoria Vendore e Policisë Berat

Finalizohet operacioni policor i koduar “Dimali 3”, për goditjen e një grupi kriminal që shiste lëndë narkotike kokainë, në Dimal.

Operacioni u zhvillua nga Seksioni për Hetimin e Narkotikëve, në bashkëpunim me Forcën e Posaçme Operacionale dhe nën drejtimin e Prokurorisë së Beratit.

Arrestohen 3 pjesëtarë të grupit dhe shpallen në kërkim 2 të tjerë.

Si rezultat i hetimit të ndjekur për disa muaj, me metoda proaktive, nën drejtimin e Prokurorisë, me objektiv nxjerrjen përpara përgjegjësisë penale të disa shtetasve, të cilët, të organizuar si grup, shitnin doza të lëndës narkotike kokainë në Dimal, specialistët e Seksionit për Hetimin e Narkotikëve, në bashkëpunim me Forcën e Posaçme Operacionale, finalizuan operacionin “Dimali 3”.

Në kuadër të këtij operacioni u ekzekutuan masat e sigurisë të caktuara nga Gjykata e Beratit, konkretisht:

“Arrest në burg” për shtetasit M. M., 22 vjeç, dhe A. B., 19 vjeç;

“Arrest në shtëpi” për shtetasin E. M., 17 vjeç, të tre banues në Kuçovë, për veprën penale “Prodhimi dhe shitja e narkotikëve”, kryer në bashkëpunim.

Gjithashtu, janë shpallur në kërkim 2 pjesëtarë të tjerë të këtij grupi, shtetasit K. A., 26 vjeç, dhe A. B., 22 vjeç, pasi ndaj tyre janë caktuar masat e sigurisë “Arrest në burg”, për të njëjtën veprimtari kriminale.

Gjatë periudhës hetimore janë siguruar prova se këta shtetas, të organizuar si grup, siguronin lëndë narkotike kokainë e ndanin në doza dhe më pas e shitnin në qytetin e Dimalit.

Materialet procedurale iu referuan Prokurorisë së Beratit për veprime të mëtejshme. /CNA





Lajmet e fundit nga