web counter
LEXO PA REKLAMA!

SHKARKO APP

App Store
Google Play

Policët përleshen me njëri-tjetrin/ Pritë kolegut me kapuç e maska

23 Dhjetor 2022, 14:54, Kronika CNA

Policët përleshen me njëri-tjetrin/ Pritë kolegut me

Një sherr mes dy policëve ka degjeneruar në përleshje fizike.

Ngjarja ka ndodhur në Elbasan, ku pas rrahjes me njëri-tjetrin, dy efektivët e shërbimit të Rrugores janë pezulluar nga detyra me urdhër të Drejtorit të Përgjithshëm të Policisë.

Në një intervistë për gazetarin, Enes Memolla, efektivi i dhunuar E.H, ka treguar se ka qenë një debat çasti, për të cilin ishin sqaruar më pas.

Ai është shprehur se nuk priste një dhunim të tillë pas krahëve nga efektivi 23-vjecar.

“Ngjarja ka ndodhur mbrëmë pas drekës së punës që kishim me kolegët në një lokal në Elbasan, dhe teksa një pjesë qëndroi për kafe, nga lokali unë dola i fundit.

Duke shkuar drejt makinës sime, aty më vijnë disa djem me kapuç e maska. Mund të kenë qenë 3-4 veta, dhe gjatë përleshjes kuptova që ishte Redi Mato, kolegu, punonjës policie në Komisariatin e Elbasanit, ata kishin shkopinj.

Vetëm natën e mbrëmshme kur ndodhi ngjarja kishim përleshje, se atë ditë në polici kemi pasur një debat të vogël, por që u sqarua mes nesh, dhe nuk kisha asgjë personale.

Mbrëmë kur ndodhi sulmi, isha i shoqëruar edhe nga një shok imi i cili po ashtu u godit.

Sot dua që drejtësia të vendoset në vend dhe se personi në fjalë të dalë para organeve ligjzbatuese, policia atë ditë e dinte, dhe nuk u mor asnjë masë ndaj tij”, ka thënë efektivi i dhunuar./CNA.al





Lajmet e fundit nga