web counter
LEXO PA REKLAMA!

SHKARKO APP

App Store
Google Play

Aksidentoi për vdekje të miturin/ Rëndohet gjendja shëndetësore e ish-kryebashkiakut të Himarës, përfundon në spital

23 Dhjetor 2022, 13:01, Kronika CNA

Aksidentoi për vdekje të miturin/ Rëndohet gjendja

Pas aksidentit të ndodhur pak ditë më parë, ku ish-kryetari i bashkisë përplasi për vdekje 17-vjeçarin Eljo Hamiti, Vasil Bllano është në gjendje të rëndë shëndetësore dhe ka përfunduar në spital.

Ai po merr trajtim mjekësor në spitalin e Vlorës, ku gjendja e tij shëndetësore është përkeqësuar, pasi edhe më herët ai vuante nga probleme të zemrës, gjë që po e ndikon Bllanon në mënyrë kritike pas aksidentit që shkaktoi.

Ditën e sotme pritet që t'i komunikohet masa "arrest me burg" rreth orës 13:30 në ambientet e spitalit të Vlorës, ku qëndron i shtruar një ditë pas aksidentit për arsye shëndetësore.

Kujtojmë se aksidenti ndodhi me 21 dhjetor, në Llogara të Vlorës, ku ish-kryebashkiaku përplasi 17-vjeçarin.

Fillimisht i riu ra në gjendje kome dhe u transportua drejt Tiranës, por nuk i bëri ballë goditjes së marrë nga mjeti tip "Benz", që drejtohej nga Vasil Bllano. 

Menjëherë pas ngjarjes Vasil Bllano u arrestua nën akuzën e shkeljes së rregullave të qarkullimit rrugor me pasojë vdekjen./CNA.al





Lajmet e fundit nga