web counter
LEXO PA REKLAMA!

SHKARKO APP

App Store
Google Play

E fundit!

x

I vodhi qytetarit 30 mijë euro/ Arrestohet efektivi i policisë në Cërrik

21 Dhjetor 2022, 19:10, Kronika CNA

I vodhi qytetarit 30 mijë euro/ Arrestohet efektivi i policisë

Efektivi i policisë me iniciale G. N., është arrestuar nga Agjensia e Mbikqyrjes Policore pasi ka vjedghur 30 mijë euro nga një qytetarë në Cërrik.

Shuma e parave i është vjedhur shtetasit S.K., i cili në kallzimin e tij për efektivin 24-vjeçar  ka pretenduar se i ka vjedhur 30 mijë euro në ambjentet e jashtme të banesës në pronësi të tij.

"Më datë 21.12.2022, nga Drejtoria Rajonale e AMP-së Elbasan-Korçë, nën drejtimin e Prokurorisë Pranë Gjykatës së Shkallës së Parë Elbasan, u krye arrestimi në flagrancë për veprën penale “Vjedhja e kryer duke shpërdoruar detyrën” parashikuar nga neni 135 i Kodit Penal, i punonjësit të policisë:


• Inspektor G. N., 24 vjeç, me detyrë Trupë shërbimi pranë Komisariatit të Policisë Cërrik.
Arrestimi i këtij shtetasi u krye në kushtet e flagrancës në kuadër të veprimeve procedurale të autorizuara nga ana e Prokurorisë pranë Gjykatës së Shkallës së Parë Elbasan, në lidhje me kallëzimin e shtetasit S. K., me banim në Marinzë, Belsh, i cili në kallëzimin e tij pretendonte se gjatë një kontrolli të ushtruar pranë familjarëve të tij, më datë 20.12.2022, këtij shtetasi i ishte vjedhur një shumë prej 30 mijë euro në ambjentet e jashtme të banesës në pronësi të tij.


Në lidhje me këtë ngjarje dhe si rezultat i punës hetimore të pandërprerë, u bë e mundur kapja dhe arrestimi në flagrancë i punonjësit të policisë inspektor G. N.


Gjithashtu, në cilësinë e provës materiale u bë sekuestrimi i shumës prej 30 mijë euro që ky punonjës policie ia kishte vjedhur shtetasit S. K.


Materialet hetimore janë referuar në Prokurorinë pranë Gjykatës së Shkallës së Parë Elbasan për veprime të mëtejshme", njofton Agjensia e Mbikqyrjes Policore./ CNA.al





Lajmet e fundit nga