Kapën dhe kanosën të riun që u vidhte gjëra në banesë/ Arrestohet 29-vjeçari në Krujë, në kërkim bashkëpunëtori i tij

19 Dhjetor 2022, 13:11, Kronika CNA

Kapën dhe kanosën të riun që u vidhte gjëra në

Foto Ilustruese

Një 29-vjeçar ka përfunduar në prangat e policisë, pasi në bashkëpunim me disa persona të tjerë akuzohet se kanosi një person me arsyetimin se ky i fundit kishte vjedhur sende në banesat e tyre.

Si rezultat i operacionit "Reagimi", u kap dhe u arrestua në flagrancë shtetasi K. M., 29 vjeç, banues në Thumanë, Krujë, si dhe u shpall në kërkim shtetasi J. S., 36 vjeç, banues në Mamurras, Laç. Këta shtetas, dyshohet se në bashkëpunim me njëri-tjetrin, kanë kanosur një 29-vjeçar (të dënuar më parë për vjedhje), pasi pretendonin se u kishte vjedhur sende në banesat e tyre.

Njoftimi:

Krujë/Finalizohet operacioni policor i koduar “Reagimi”.

Kanosën një shtetas, pasi pretendonin se u kishte vjedhur sende në banesat e tyre, vihet në pranga 29-vjeçari dhe shpallet në kërkim bashkëpunëtori i tij.

29-vjeçari u kap në flagrancë me një sasi lënde narkotike kokainë me vete, si dhe me faqe online aktive në celular, për vendosjen e basteve sportive.

Specialistët për Hetimin e Krimeve të Komisariatit të Policisë Krujë, menjëherë pas marrjes së kallëzimit se një shtetas ishte kanosur nga 2 shtetas të tjerë, kanë organizuar punën në kuadër të operacionit policor të koduar “Reagimi”, me qëllim zbardhjen dhe dokumentimin e rrethanave të kësaj ngjarjeje, si dhe për nxjerrjen përpara përgjegjësisë penale të autorëve të saj.

Si rezultat i këtij operacioni, u lokalizua, u kap dhe u arrestua në flagrancë shtetasi K. M., 29 vjeç, banues në Thumanë, Krujë, si dhe u shpall në kërkim shtetasi J. S., 36 vjeç, banues në Mamurras, Laç. Këta shtetas, dyshohet se në bashkëpunim me njëri-tjetrin, kanë kanosur një 29-vjeçar (të dënuar më parë për vjedhje), pasi pretendonin se u kishte vjedhur sende në banesat e tyre.

Gjatë kontrollit të ushtruar ndaj shtetasit të arrestuar K. M., shërbimet e Policisë gjetën dhe sekuestruan në cilësinë e provës materiale, një sasi lënde të dyshuar narkotike kokainë, si dhe konstatuan se 29-vjeçari mbante aktive në celularin e tij, faqe online për vënien e basteve sportive.

Vijon puna për kapjen e shtetasit J. S.

Materialet i kaluan Prokurorisë pranë Gjykatës së Rrethit Gjyqësor Krujë, për veprime të mëtejshme./CNA.al