E fundit!

20:46 Politikë

“Në drejtimin e duhur me kalendarin ambicioz”/ Rama: Jam optimist në mënyrën më shqiptare për mbylljen e kapitujve

Kryeministri Edi Rama gjatë fjalës së tij në konferencën n...

Rindërtohet skena e krimit/ Si u ekzekutua me breshëri plumbash biznesmeni Edmond Papa?

17 Dhjetor 2022, 14:06, Kronika CNA

Rindërtohet skena e krimit/ Si u ekzekutua me breshëri plumbash

Zbardhen detaje të tjera lidhur me ekzkutimin e 49-vjeçari Edmond Papa, i cili u qëllua mbrëmë me 9 plumba, në një lokal në "Komunën e Parisit".

Papa kishte ardhur të premten nga Saranda në Tiranë, ku u qëllua më pas pak metra larg banesës së vëllait të tij.

Raportohet se sipas rindërtimit të skenës së krimit, autori e ka qëlluar nga distancë e afërt 49-vjeçarin dhe ka zbrazur mbi të plot 9 plumba.

Viktima kishte dy mbiemra dhe njihej gjithashtu si Edmond Hoxha. 49-vjeçari ishte me origjinë nga Fieri, por banonte prej vitesh në Sarandë ku dhe kishte shtrirë aktivitetin e tij në fushën e biznesit, kishte disa prona dhe biznese, mes tyre dhe hotelin e njohur Blu Sky.

Gjatë ditës së djeshme autori ishte i mirëinformuar për çdo lëvizje të tij, dhe arriti ta qëllonte 9 herë, pasi e kapi në befasi në lokalin që ndodhej pranë shtëpisë së vëllait të viktimës.

Kamerat e sigurisë të zonës dhe jashtë lokalit ku ndodhi vrasja kanë filmuar momentet kur autori ka qëndruar për disa minuta në këmbë pranë pallatit ku banonte vëllai i 49 vjeçarit.

Pak minuta pasi ai ulet në lokal, autori futet i vetëm dhe e qëllon me 9 plumba pistolete të llojit Glock. Prej andej largohet sërisht i vetëm në këmbë nëpër rrugicat e zonës.

Pistat e hetimit lidhen me motivet e hakmarrjes dhe me konflikte të mundshme në Greqi dhe në Britani.

Kujtojmë se 49-vjeçari është ka qenë i dënuar më herët për trafik droge në Greqi./CNA.al