web counter
LEXO PA REKLAMA!

SHKARKO APP

App Store
Google Play

Preu me motosharrë 6 shtylla të vendosura nga OSHEE/ Në pranga 57-vjeçari në Dibër

23 Dhjetor 2022, 10:31, Kronika CNA

Preu me motosharrë 6 shtylla të vendosura nga OSHEE/ Në pranga

Një 57-vjeçar ka përfunduar në prangat e policisë Dibër, pasi preu me motosharrë 6 shtylla druri të vendosura nga OSHEE, për të furnizuar me energji elektrike banorët e fshatit Borie-Lurë.

Ai e ka kryer këtë veprim për shkak se pretendon se shtyllat janë vendosur në tokën e tij.


NJOFTIMI I POLICISË:

Shërbimet e Komisariatit të Policisë Dibër pas marrjes së njoftimit se një shtetas kishte dëmtuar (prerë), disa shtylla druri të vendosura nga punonjës të OSHEE-së, për të furnizuar fshatin Borie-Lurë me energji elektrike, kanë organizuar punën për zbardhjen e ngjarjes dhe identifikimin e autorit.

Pas hetimeve ka rezultuar se autori i dyshuar është shtetasi D.K., 57 vjeç, banues në fshatin Borie-Lurë, i arrestuar në flagrancë, i cili ka prerë shtyllat me pretendimin se janë vendosur në tokën e tij.

Po në vijim të verifikimit të pronës ku ishin vendosur shtyllat ka rezultuar se është pronë shtet e njësisë Administrative Lurë, Bashkia Dibër.
Materialet procedurale i kaluan Prokurorisë Dibër për veprat penale “Shkatërrim prone me dashje”, “Vetëgjyqësi”./CNA.al





Lajmet e fundit nga