web counter
LEXO PA REKLAMA!

SHKARKO APP

App Store
Google Play

85 kilogramë drogë brenda "Audit" luksoz/ Kapet i riu nga Fieri

23 Dhjetor 2022, 08:42, Kronika CNA
85 kilogramë drogë brenda "Audit" luksoz/ Kapet i riu nga
Foto Ilustruese

Një 26-vjeçar ka përfunduar në prangat e Policisë Fier, pasi është kapur me një sasi të madhe lënde narkotike.

Gjatë kontrollit të ushtruar në mjetin e tij tip "Audi Q7", atij iu gjetën 85 kilogramë kanabis. 

26-vjeçari ishte i shoqëruar edhe nga dy persona të tjerë me të cilët po transportonte lëndën narkotike.

Njoftimi:

DVP Fier/Vijon operacioni policor antidrogë i koduar “Hamil”, si rezultat i të cilit, ditën e djeshme, u sekuestruan 85 kg kanabis.

Kapet dhe vihet në pranga një 26-vjeçar i përfshirë në këtë veprimtari kriminale.

26-vjeçari, pronari i automjetit “Audi Q7”, me të cilin 2 shtetasit e tjerë po transportonin 3 thasët me kanabis.

Në vijim të operacionit policor antidrogë të koduar “Hamil”, i zhvilluar nga Seksioni për Hetimin e Narkotikëve, në bashkëpunim me Komisariatin e Policisë Fier dhe Forcën e Posaçme “Shqiponja”, për goditjen e veprimtarisë kriminale në fushën e narkotikëve, janë kryer veprime të pandërprera hetimore për dokumentimin e plotë të kësaj veprimtarie kriminale, identifikimin dhe kapjen e personave të tjerë të përfshirë.

Në kuadër të këtij operacioni, nga specialistët e Seksionit për Hetimin e Narkotikëve të DVP Fier, u kap dhe u ndalua shtetasi V. R., 26 vjeç, banues në Hamil, i përfshirë në këtë veprimtari kriminale.

26-vjeçari është pronari i automjetit tip “Audi Q7”, me të cilin shtetasit A. T., 25 vjeç (i arrestuar gjatë operacionit) dhe N. R., 31 vjeç (i shpallur në kërkim), po transportonin 3 thasë më lëndë të dyshuar narkotike cannabis sativa, me peshë rreth 85 kg.

Vijojnë veprimet hetimore për dokumentimin e plotë të kësaj veprimtarie kriminale.

Materialet i kaluan Prokurorisë, për veprime të mëtejshme./CNA.al





Lajmet e fundit nga