web counter
LEXO PA REKLAMA!

SHKARKO APP

App Store
Google Play

E fundit!

x

Plagoset me thikë i riu në Vlorë, niset me urgjencë drejt spitalit

26 Shtator 2023, 12:00, Kronika CNA

Plagoset me thikë i riu në Vlorë, niset me urgjencë drejt

Mesditën e sotme ka ndodhur një plagosje me thikë në Vlorë. Mësohet se është plagosur një 33-vjeçar me iniciale O. R., i cili është dërguar me urgjencë në spital.

Mësohet se i riu ndodhet jashtë rrezikut për jetën. Ngjarja ka ndodhur për motive të dobëta. Policia ka arrestuar dy autorët. 

Njoftimi i Policisë: 

Goditën me grushte dhe me mjet prerës (thikë), një 33-vjeçar, gjatë një konflikti të çastit për motive të dobëta, falë reagimit të menjëhershëm të shërbimeve të Policisë, kapen dhe shoqërohen në Komisariat, 2 autorët e dyshuar.

Shërbimet e Forcës së Posaçme “Shqiponja”, pas njoftimit për një konflikt mes disa shtetasve, në lagjen “Partizani”, kanë ndërhyrë menjëherë për parandalimin e përshkallëzimit të konfliktit.

Si rezultat i veprimeve të shpejta, janë kapur dhe shoqëruar në Komisariat, 2 autorët e dyshuar shtetasit L. M., 25 vjeç dhe G. M., 25 vjeç (vëllezër), të cilët gjatë konfliktit për motive të dobëta, dyshohet se kanë goditur me grushte dhe me mjet prerës (thikë), shtetasin O. R., 33 vjeç, banues në Vlorë.

Shtetasi O. R. ndodhet në spital, jashtë rrezikut për jetën.

Në drejtimin e Prokurorisë, vijon puna hetimore për sqarimin e rrethanave të ngjarjes.

 

 





Lajmet e fundit nga