web counter
LEXO PA REKLAMA!

SHKARKO APP

App Store
Google Play

E fundit!

x

Pagoi për të vrarë Inez Hajrulla në Vlorë/ Ekstradohet nga Spanja Leonard Luzi

9 Nëntor 2024, 09:20, Kronika CNA

Pagoi për të vrarë Inez Hajrulla në Vlorë/ Ekstradohet

Është ekstraduar nga Spanja, Leonard Luzi, i cili akuzohet se ka paguar dhe organizuar vrasjen në Vlorë të Inez Hajrulla.

Policia bëri të ditur se, sot ka ekstraduar Leonard Luzin.

Për këtë vrasje të mbetur në tentativë, policia ka arrestuar Amarildo Nikollin, i cili u kap me pistoletë afër vendit ku kishte planifikuar të kryente krimin e rëndë.

Njoftimi i Policisë:

Ekstradohet nga Spanja, shtetasi L. L. alias L. S., i cili akuzohet nga GjKKO-ja se organizoi vrasjen e 2 shtetasve në Vlorë (krim i parandaluar si rezultat i ndërhyrjes së Policisë).

Shtetasi L. L. alias L. S., u arrestua në Spanjë, gjatë operacionit të koduar “Rekrutuesi”.

Si rezultat i bashkëpunimit mes autoriteteve të Shqipërisë dhe Spanjës, në zbatim të marrëveshjes së ekstradimit, u ekstradua nga Spanja, shtetasi L. L. alias L. S., 47 vjeç, i lindur në Vlorë.

Gjykata e Posaçme e Shkallës së Parë për Korrupsionin dhe Krimin e Organizuar i ka caktuar këtij shtetasi, masën e sigurisë “Arrest në burg”, për veprat penale “Sigurimi i kushteve dhe i mjeteve materiale për të kryer vrasje” dhe “Mbajtja pa leje dhe prodhimi i armëve, armëve shpërthyese dhe i municionit”, të kryera në bashkëpunim në formën e grupit të strukturuar kriminal.

47-vjeçari akuzohet se në bashkëpunim me pjesëtarë të tjerë të grupit kriminal, kishte organizuar vrasjen e shtetasve E. M. dhe I. H.

Ky krim u parandalua nga Policia, pasi shtetasi A.N, u arrestua para se të kryente vrasjet.

Shtetasit A. N., në momentin e arrestimit, iu sekuestrua pistoleta me fishek në fole, e gatshme për qitje.





Lajmet e fundit nga