web counter
LEXO PA REKLAMA!

SHKARKO APP

App Store
Google Play

"SHBA beson tek SPAK-u"/ E Ngarkuara me Punë e SHBA në Tiranë: Reforma në drejtësi e pakthyeshme

8 Nëntor 2024, 21:26, Kronika CNA

"SHBA beson tek SPAK-u"/ E Ngarkuara me Punë e SHBA në

E Ngarkuara me Punë, Nancy VanHorn, ka folur për kreun e SPAK, Altin Dumanin gjatë ceremonisë së diplomimit të punonjësve të Agjencisë së Mbikëqyrjes Policore.

Në fjalën e saj, diplomatja e ambasadës së SHBA-së tregoi se kur e ka takuar Dumanin, ai i ka vënë në dukje punën që policia bën, si vendimtare për punën që vetë ai dhe kolegët e tij në SPAK kryejnë.

“Dhe dua të ndaj me ju se kur jam takuar me z. Dumani, të cilin e kam takuar në disa raste, ai vë në dukje punën që bëni për të zbatuar këto standarde integriteti si vendimtare për punën që ai dhe kolegët e tij në SPAK kryejnë. Nuk ka mundësi që një pjesë e vetme e institucioneve të drejtësisë të ketë sukses pa bashkëpunimin dhe bashkëveprimin e të gjithë sistemit.

Dhe nuk do të përsëris statistikat tepër mbresëlënëse që ndatë më herët. Por dua të theksoj që tashmë ka pasur 33 arrestime këtë vit për shkak të referimeve dhe kjo është një rritje e madhe nga viti i kaluar, siç më ka thënë ekipi im. Dhe sot, 29 prej jush që po diplomohen, janë gati për ta rritur këtë ndikim. Sa herë takohem me zyrtarë të qeverisë, një nga gjërat që theksoj vazhdimisht është se reforma në drejtësi është e pakthyeshme. Dhe unë e them këtë sepse Shtetet e Bashkuara e besojnë atë dhe besojnë te ju”, tha në fjalim diplomatja e Ambasadës së SHBA."

Në ceremoninë e zhvilluar në Ministrinë e Brendshme, morën pjesë drejtues e punonjës të AMP-së dhe ICITAP.

Trajnimi mbi hetimin e krimeve është kryer sipas një moduli të standardizuar, miratuar edhe nga Prokurori i Përgjithshëm.





Lajmet e fundit nga