web counter
LEXO PA REKLAMA!

SHKARKO APP

App Store
Google Play

Nuk iu bindën urdhrit të policisë/ Shqiptarët “Fast and Furious” në mes të Italisë, humb jetën njëri prej tyre

7 Qershor 2022, 19:31, Kronika CNA
Nuk iu bindën urdhrit të policisë/ Shqiptarët “Fast
Foto ilustruese

Një ngjarje e rëndë është regjistruar në Itali, dy shqiptarë janë përfshirë në një aksident dhe për pasojë njëri prej tyre ndërroi jetë. Ngjarja e rëndë ndodhi në provincën e Caserta-s.

Mësohet se policia italiane u ka bërë shenjë dy qytetarëve që të ndalojnë mjetin për kontroll, por shoferi nuk iu bind urdhrit dhe i ka dhënë më shumë gaz makinës, ndërsa kjo e fundit ka humbur kontrollin.

Mediat italiane raportojnë se për pasojë nga aksidenti ndërroi jetë 31-vjeçari shqiptar, ndërkohë që bashkëkombësi i tij, një 26-vjeçar tentoi të arratisej, por u arrestua pak çaste më vonë.

‘La Stampa’ shkruan se ndjekja nisi kur dy personat në bordin e makinës parakaluan atë të karabinerisë, e cila po vazhdonte në të njëjtin drejtim si ata, në një pjesë ku parakalimi është i ndaluar.

Dy shqiptarët nuk e ndalën makinën pavarësisht raportimeve të karabinierëve, duke rritur edhe më shumë shpejtësinë. Por siç duket shoferi nuk e kishte parashikuar një kthesë të fortë duke bërë që mjeti të dalë nga rruga.

Po ashtu ka dyshime se shqiptarët, identiteti i të cilëve nuk bëhet i ditur, udhëtonin me një automjet të vjedhur./CNA.al





Lajmet e fundit nga