web counter
LEXO PA REKLAMA!

SHKARKO APP

App Store
Google Play

Bëri sherr me Noizyn/ Cllevio e pëson keq nga policia

7 Qershor 2022, 17:25, Kronika CNA
Bëri sherr me Noizyn/ Cllevio e pëson keq nga policia
Fotomontazh - Cllevio dhe Noizy

Policia e Lushnjës ka arrestuar ditën e sotme Kleviol Ahmetin, personazhin e njohur në rrjetet sociale si Cllevio, i cili një natë më parë u përfshi në një sherr me grushte me reperin e njohur, Noizy.

Blutë bëjnë me dije se 36-vjeçari është vënë në pranga, pasi theu masën e sigurisë “Arrest në shtëpi”.

Ai ishte dënuar më parë për veprat penale “Prodhimi dhe shitja e narkotikëve” dhe “Mbajtja pa leje e armëve të ftohta”, pasi në mars të vitit 2021 u kap duke drejtuar makinën pa patentë, me drogë dhe me 3 thika.

“Specialistët për Hetimin e Krimeve në Komisariatin e Policisë Lushnjë, pas informacioneve të marra në rrugë policore se shtetasi K. A. kishte thyer masën e sigurisë “Arrest në shtëpi”, duke dalë jashtë banesës, kanë organizuar punën për kapjen e tij. Pas kontrolleve nga Policia, shtetasi K. A. është lokalizuar në lagjen “Çlirimi”, në qytetin e Lushnjës.  

Në vijim të veprimeve u bë arrestimi, për veprën penale “Largim i të burgosurit nga vendi i qëndrimit”, i shtetasit K. A., 36 vjeç, banues në lagjen “Loni Dhamo”, Lushnjë, i cili ishte me masë sigurie “Arrest në shtëpi”, për veprat penale “Prodhimi dhe shitja e narkotikëve” dhe “Mbajtja pa leje e armëve të ftohta”.

Në 19.03.2021, shtetasi K. A. është arrestuar në flagrancë nga Policia, pasi në automjetin që e drejtonte pa leje drejtimi, iu gjetën doza me lëndë narkotike cannabis sativa dhe 3 armë të ftohta (thika), të cilat u sekuestruan në cilësinë e provës materiale.

Shtetasi K. A. ka qenë i dënuar dhe  më parë për veprimtari kriminale në fushën e narkotikëve, mbajtje pa leje të armëve të ftohta dhe kanosje.

Materialet i kaluan Prokurorisë, për veprime të mëtejshme procedural”, thuhet në njoftimin e policisë.

Ndërkohë, mediat raportuan se për sherrin e mbrëmshëm është proceduar penalisht reperi Noizy dhe babai i tij, Bashkim Rajku, për fyerje./ B.A. – CNA.al





Lajmet e fundit nga