web counter
LEXO PA REKLAMA!

SHKARKO APP

App Store
Google Play

E fundit!

x

Përdorte drogë dhe Bitcoin në lokal/ Fundoset 31-vjeçari në Durrës

7 Qershor 2022, 16:01, Kronika CNA
Përdorte drogë dhe Bitcoin në lokal/ Fundoset 31-vjeçari
Pajisjet e sekuestruara

Finalizohet me sukses operacioni policor i koduar "Multifunksional", në sajë të të cilit është goditur një rast i përshtatjes së lokaleve për përdorim të lëndëve narkotike dhe për gjenerim të kriptomonedhave (Bitcoin).

Specialistët për Hetimin e Trafiqeve të Paligjshme dhe Narkotikëve në DVP Durrës, në bashkëpunim me Forcën e Posaçme “Shqiponja” bëjnë me dije se informacionet se një shtetas kishte përshtatur lokalin në pronësi të tij,  për përdorim të lëndëve narkotike dhe për gjenerim të monedhave virtuale (Bitcoin), i siguruan në rrugë operative.

Si rrjedhojë, blutë bënë të mundur arrestimin e shtetasit me iniciale A.K., 31 vjeç, banues në Durrës, për veprat penale "Përshtatja e lokalit për përdorim droge", "Prodhimi dhe shitja e narkotikëve", "Fshehja e të ardhurave", "Kontrabanda me mallra për të cilat paguhet akcizë", "Ruajtja apo depozitimi i mallrave kontrabandë", si dhe "Prodhimi, mbajtja, blerja apo shitja pa leje e armëve të ftohta".

Shërbimet e Policisë, gjatë kontrollit të ushtruar në lokalin në pronësi të 31-vjeçarit, në lagjen nr. 4 Durrës, gjetën dhe sekuestruan në cilësinë e provës materiale, rreth 260 gr lëndë të dyshuar narkotike marijuanë, 18 pajisje që shërbejnë për gjenerimin e kundërligjshëm të kriptomonedhave, sasi kafeje të dyshuar të kontrabanduar, një sasi të vogël lëndë të dyshuar narkotike kokainë, 3 peshore elektronike dhe një shkop bejsbolli.

Aktualisht po vijon puna për dokumentimin e plotë të veprimtarisë kriminale të këtij të riu.

Sakaq, materialet u referuan në Prokurorinë pranë Gjykatës së Rrethit Gjyqësor Durrës, për veprime të mëtejshme./ B.A. - CNA.al

 





Lajmet e fundit nga