web counter
LEXO PA REKLAMA!

SHKARKO APP

App Store
Google Play

Artan Hoxha publikon pamjet e pajisjes misterioze që po alarmon policinë/ Hedh dyshimet e forta

7 Qershor 2022, 13:59, Kronika CNA
Artan Hoxha publikon pamjet e pajisjes misterioze që po alarmon
Gazetari, Artan Hoxha

Gazetari investigativ, Artan Hoxha, ka publikuar pamjet e pajisjes misterioze që është gjetur në jug të vendit.

Sipas Hoxhës, kjo pajisje është gjetur nga turistë dhe dyshohet se përdoret për spiunazh ose aktivitet kriminal.

“Bëri bujë lajmi se një pajisje e sofistikuar që ishte gjetur në ishullin e Sazanit, nisur edhe nga fakti se nuk ka banorë dhe se vizitohej nga turistët. Duke qenë se në këtë kohë ka pasur një lëvizje të madhe të anijeve të NATO-s në Adriatik dhe Jon tërhoqi vëmendjen se pajisja u gjet nga turistë në një zonë dominuese”, tha Hoxha i ftuar në "Abc News".

Eksperti i Kriminologjisë, Ervin Karamuço, në "Abc" bëri me dije lajmin për gjetjen e pajisjes, i cili tha se bëhet fjalë për një pajisje elektronike shumëfunksionale që përdoret që nga përgjimi e deri te bllokimi i valëve.

“Ka filluar që dje rikonjicioni i të gjithë zonës bregdetare. Nga gjiri i Vlorës deri poshtë në Sarandë. Janë një pjesë e anijeve të NATO-s një pjesë janë tonat” , -tha Karamuço.

Dyshohet se ka dhe të tjera pajisje të tilla në vende të tjera në jug, ndaj dhe ushtria ka nisur kontrollet nga toka, ajri dhe deti.

 “Janë duke bërë rikonjicion nga deti nga ajri dhe nga toka për të gjetur pajisje të tjera. Dyshohet se ka të tjera. Është një pajisje multifunksionale, përdoret për interferencë të zërit, për përgjime, për bllokime të valëve, ka shumë arsye.”/ CNA.al

 

 





Lajmet e fundit nga