web counter
LEXO PA REKLAMA!

SHKARKO APP

App Store
Google Play

E fundit!

x

“Më pyeti nëse e kishte mbyllur derën”/ Fqinja rrëfen bisedën me 54-vjeçaren që u gjet e pajetë

1 Shkurt 2024, 19:41, Kronika CNA
“Më pyeti nëse e kishte mbyllur derën”/ Fqinja
Banesa e viktimave

Për ngjarjen e rëndë në Korçë, ku u gjetën të pajeta në banesë nënë e bijë, ka folur një nga fqinjet e viktimave.

Fqinja ka zbuluar se në dijeninë e saj ka qenë personi i fundit që ka kontaktuar me 54-vjeçaren O. V. të shtunën e 27 janarit.

Siç raportoi edhe më parë CNA, fqinja tha se 54-vjeçarja kishte dërguar nënën 75-vjeçare E. V. në spital pasi kishte oksigjenin e ulët.

Kur ishin kthyer në banesë, sipas saj, vajza e kishte telefonuar dhe i kishte kërkuar të shihet nëse kishte harruar derën e shtëpisë hapur dhe që prej atij rasti nuk kishte mundur të fliste më me të.

"Me O. V. kam komunikuar të shtunën, ajo më tha që kishte shtruar nënën e saj në spital sepse kishte vështirësi në frymëmarrje. O. V. më kërkoi të shihja nëse e kishte mbyllur derën e banesës së saj apo e kishte lënë hapur. Unë shkova kontrollova derën e shtëpisë së saj dhe i thashë që derën e ke të mbyllur.

Gjatë këtyre ditëve kur kam dalë nga shtëpia kam trokitur tek dera e O. V. por nuk më është përgjigjur njrri edhe pse kur kam parë derën nga afër më është dukur sikur brënda kishte çelës. U shqetësova sepse me O. V. nuk po kontaktoja më.

O. V. ishte edukatore në Vithkuq, dje dhe sot erdhën kolegët e punës për ta kërkuar, trokitën edhe ata por dera nuk u hap. Unë mora në tel edhe mbesën e tyre, por as ajo nuk dinte gjë. Sot erdhi djali nga Greqia, tentoi të hapte derën, por dera ishte e mbyllur nga brenda. Më pas, me ndihmën e zjarrfikëses dhe policisë dera u hap, por i gjetën të pajeta", theksoi fqinja./ CNA





Lajmet e fundit nga