E fundit!

15:15 Politikë

“Jo sipas karrierës, por kush rri pas Berishës”/ Murrizi: Problemi në PD, mungesa e garës

Ish-deputeti, Myslim Murrizi, komentoi sot procesin zgjedh...

Të akuzuar për falsifikim dokumentesh/ Ekstradohen 2 të shumëkërkuarit nga autoritetet

31 Janar 2024, 11:47, Kronika CNA

Të akuzuar për falsifikim dokumentesh/ Ekstradohen 2 të

Autoritetet kanë bërë të mundur kapjen e dy personave të shpallur në kërkim ndërkombëtar.

Është ekstraduar shtetasi shqiptar Paulin Simoni, 39-vjeç nga Italia, i dënuar me 3 vite e 8 muaj burgim.

Simoni akuzohet për falsifikim dokumentesh të pronave në bregdetin e Lezhës.

Ndërsa gjithashtu është ekstraduar nga Gjermania shtetasin serb I. B., 50 vjeç, i akuzuar si pjesëtar i një grupi kriminal që falsifikonte dokumente dhe përvetësonte sende të vjedhura.

Njoftimi i policisë

Si rezultat i bashkëpunimit të pandërprerë me homologët, ekstradohen 2 shtetas të shpallur në kërkim ndërkombëtar.

Ekstradohet nga Italia, një 39-vjeçar shqiptar i dënuar me 3 vjet e 8 muaj burgim, për falsifikimin të dokumenteve të pronave në bregdetin e Lezhës.

Ekstradohet drejt Gjermanisë, një shtetas serb, i akuzuar nga autoritetet e drejtësisë gjermane, si pjesëtar i një grupi kriminal që falsifikonte dokumente dhe përvetësonte sende të vjedhura.

Në vijim të bashkëpunimit me strukturat homologe në shtetet e tjera, për lokalizimin, kapjen dhe ekstradimin e shtetasve në kërkim ndërkombëtar, Interpol Tirana ka ekstraduar 2 shtetas të shpallur në kërkim ndërkombëtar, konkretisht:

-si rezultat i bashkëpunimit me Interpol Romën, është ekstraduar në Shqipëri, shtetasi shqiptar Paulin Simoni, 39 vjeç. Ky shtetas ishte shpallur në kërkim ndërkombëtar nga Interpol Tirana, pasi Gjykata e Posaçme e Apelit për Korrupsionin dhe Krimin e Organizuar, me vendimin e datë 15.04.2022, e ka dënuar me 3 vjet e 8 muaj burg, për veprat penale “Falsifikimi i dokumenteve”, “Falsifikimi i vulave, stampave ose i formularëve”, “Shpërdorimi i tokës” dhe “Pastrim i produkteve të veprës penale”.

Shtetasi Paulin Simoni, në bashkëpunim me shtetas të tjerë, ka kryer veprime të kundërligjshme duke falsifikuar dokumentet e pronës dhe formularët e pronësisë, me qëllim tjetërsimin e pronave në bregdetin e Lezhës.

-si rezultat i bashkëpunimit me Interpol Ëiesbaden, është ekstraduar drejt Gjermanisë, shtetasi serb I. B., 50 vjeç.

Ky shtetas ishte shpallur ne kerkim ndërkombëtar nga Interpol Ëiesbaden, pasi Gjykata Rajone e Ravensburg, me vendimin e datës 17.08.2023, ka nxjerrë urdhër arresti ndërkombëtar për veprat penale "Falsifikimi i dokumenteve" dhe "Përvetësimi i sendeve të vjedhura", kryer më shumë se një herë, në formën e grupit kriminal, parashikuar nga Kodi Penal i Gjermanisë./ CNA