web counter
LEXO PA REKLAMA!

SHKARKO APP

App Store
Google Play

E fundit!

x

E rëndë në Korçë/ Nënë e bijë gjenden pa jetë në banesë

1 Shkurt 2024, 17:10, Kronika CNA

E rëndë në Korçë/ Nënë e bijë gjenden

Një ngjarje e rëndë është regjistruar këtë të enjte në Korçë. Nënë e bijë janë gjetur pa jetë brenda banesës së tyre në lagjen numër 17, pranë shkollës "Ismail Qemali".

Mësohet paraprakisht se dera e banesës ka qenë e mbyllur, ndërsa ka qenë zjarrfikësja që ka hapur derën duke gjetur dy shtetaset.

Nga informacionet paraprake, bëhet me dije se nëna E. V. ka qenë e sëmurë. Dyshohet se vajza O. V. ka ndërruar jetë para saj, e më pas ka ndërruar jetë edhe nëna, e cila mendohet se ka qenë e paralizuar.

Nuk dihen ende rrethanat e ngjarjes, por nuk mendohet për ngjarje kriminale, pasi nuk janë konstatuar shenja dhune apo shenja të tjera.

Dyshimet janë se të dyja kanë ndërruar jetë prej ditës së djelë, kur kanë humbur kontaktet me familjarët. Vajza mund të ketë pësuar atak, ndërsa nëna ka ndërruar jetë pas saj. Edhe në pamundësi për të lëvizur, dhe për shkak të mungesës së ilaçeve në banesë.

Pritet të bëhet ekspertiza mjeko ligjore për të zbardhur plotësisht rrethanat.

"Më datë 01.02.2024, rreth orës 16:42, në lagjen nr. 17, Korçë, në banesë, janë gjetur pa jetë, pa shenja dhune shtetaset E. V., 75 vjeçe dhe vajza e saj O. V., 54 vjeçe. Nga të dhënat e para, rezulton se këto shtetase nuk ju ishin përgjigjur në telefon familjarëve të tyre, prej disa ditësh.

Dera e banesës së tyre është hapur nga shërbimet e zjarrfikësve, pasi ishte e kyçur nga brenda. Paraprakisht dyshohet se këto dy shtetase mund të kenë humbur jetë për shkaqe natyrale.

Grupi hetimor po punon për përcaktimin e shkaqeve të humbjes së jetës së këtyre shtetaseve dhe sqarimin e rrethanave të ngjarjes", thuhet në njoftimin e policisë./ CNA





Lajmet e fundit nga