web counter
LEXO PA REKLAMA!

SHKARKO APP

App Store
Google Play

Nënë e bijë, të pajeta në banesë/ Dalin detaje, kontakti i fundit me vëllain në Greqi

1 Shkurt 2024, 18:12, Kronika CNA
Nënë e bijë, të pajeta në banesë/ Dalin detaje,
Foto nga vendngjarja

Detaje të reja kanë dalë në dritë nga ngjarja e rëndë në Korçë, ku u gjetën të pajeta nënë e bijë.

Burime bëjnë me dije për CNA se vajza me iniciale O. V. ishte me profesion mësuese.

Ajo kujdesej edhe për nënën e saj 75-vjeçare me iniciale E. V., e cila dyshohet se ishte e paralizuar.

Vëllai i saj jetonte në Greqi. Ai ka tentuar disa herë të kontaktojë me motrën dhe nënë e tij, por nuk ka mundur.

Vëllai ka ardhur vetë në banesë dhe i ka gjetur të dyja pa shenja jete pas ndërhyrjes së zjarrfikësve për hapjen e derës.

Djali i të moshuarës dhe vëllai i mësueses jashtë kamerave, ka treguar se ditën e shtunë ka biseduar me të motrën.

Ditën e shtunë vajza kishte dërguar në spital nënën për shkak se e kishte oksigjenin e ulët. Atje i kanë thënë që ta shtrojnë të moshuarën, por vajza nuk ka pranuar dhe të dyja janë kthyer në banesë.

Më pas nuk dihet asgjë çfarë ka ndodhur. Mendohet se vajza mund të ketë pësuar atak, ndërsa nëna ka humbur jetën pas saj, edhe në pamundësi për të lëvizur, por dhe për shkak të mungesës së ilaçeve në banesë.

Dy viktimat do t’i nënshrohen ekspertizës mjeko-ligjore për të gjetur shkakun e vërtetë të ndarjes nga jeta./ CNA





Lajmet e fundit nga