Makina përplas për vdekje 31-vjeçaren në Shkodër/ Prangoset shoferi

23 Qershor 2022, 09:39, Kronika CNA
Makina përplas për vdekje 31-vjeçaren në Shkodër/
Foto ilustruese

Një aksident me pasojë vdekjen u regjistrua mbrëmjen e djeshme në aksin rrugor Shkodër-Koplik, në fshatin Shtoj.

47-vjeçari me iniciale G.B. përplasi me makinë 31-vjeçaren Z.B., teksa kjo e fundit po lëvizte me biçikletë.

Policia bën me dije se ka bërë të mundur arrestimin e shoferit të makinës, pasi ndaj tij rëndon akuza për veprën penale “Shkelja e rregullave të qarkullimit rrugor”.

Specialistët e Qarkullimit Rrugor arrestuan në flagrancë shtetasin G.B., 47 vjeç, banues në fshatin Shtoj i Ri, Shkodër, për veprën penale “Shkelja e rregullave të qarkullimit rrugor”.

Ky shtetas, më datë 22.06.2022, rreth orës 21:20, në aksin rrugor Shkodër-Koplik, në fshatin Shtoj, duke drejtuar automjetin e tij, ka aksidentuar me pasojë vdekjen shtetasen Z. B., 31 vjeçe, banuese në fshatin Shtoj i Ri, Shkodër, e cila po lëvizte me biçikletë”, thuhet në njoftimin e policisë.

Ndërkaq, materialet iu referuan Prokurorisë pranë Gjykatës së Rrethit Gjyqësor Shkodër, për veprime të mëtejshme./ B.A.- CNA.al

Lajmet e fundit nga