Plagosja me thikë në Përmet/ Arrestohet 17-vjeçari

22 Qershor 2022, 09:09, Kronika CNA
Plagosja me thikë në Përmet/ Arrestohet 17-vjeçari
Foto ilustruese

Sherri mes dy të rinjve në Përmet ka degraduar deri në përdorimin e armëve të ftohta. Policia ka arrestuar një 17-vjeçar, pasi ky i fundit në një konflikt për motive të dobëta ka plagosur me thikë shtetasin M.J, 18 vjeç.

“Specialistët e Seksionit për Hetimin e Krimeve në Komisariatin e Policisë Përmet arrestuan në flagrancë shtetasin A. B., 17 vjeç, banues në Këlcyrë, pasi mbrëmjen e djeshme, në Këlcyrë, ka goditur me mjet prerës (thikë), për motive të dobëta, shtetasin M. J., 18 vjeç, banues në Këlcyrë, i cili ka marrë ndihmën mjekësore në spitalin e Këlcyrës dhe ndodhet jashtë rrezikut për jetën.

Në cilësinë e provës materiale u sekuestrua mjeti prerës (thikë).

Materialet i kaluan Prokurorisë pranë Gjykatës së Rrethit Gjyqësor Përmet, për veprime të mëtejshme, për veprat penale "Plagosja e rëndë me dashje" dhe "Prodhimi, mbajtja, blerja apo shitja pa leje e armëve të ftohta", njofton policia./ CNA.al

 

Lajmet e fundit nga