web counter
LEXO PA REKLAMA!

SHKARKO APP

App Store
Google Play

Sekuestrohet pasuria me vlerë 2 milionë euro/ I përkiste një trafikanti 39-vjeçar

22 Qershor 2022, 16:01, Kronika CNA

Sekuestrohet pasuria me vlerë 2 milionë euro/ I përkiste një

Finalizohet operacioni policor i koduar "Summer 2022", në sajë të të cilit u sekuestrua pasuria me vlerë 2 milionë euro, e cila dyshohet se rrjedh nga veprimtaria kriminale. 

Blutë bëjnë me dije se pasuria i përkiste shtetasit me iniciale R. P., 39 vjeç, banues në Tiranë. 

Ai është arrestuar në vitin 2018, nga autoritetet policore angleze, si i dyshuar për veprën penale “Prodhimi dhe shitja e narkotikëve”, ndërsa në vitin 2007, është dënuar me 7 vjet burgim nga autoritetet e drejtësisë në vendin tonë, për të njëjtën vepër penale.

Në zbatim të vendimit të Gjykatës u bë sekuestrimi i pasurive të luajtshme e të paluajtshme, vlera e të cilave shkon rreth 2 milionë euro, konkretisht:   

Një pasuri e paluajtshme (arë), në Valare, Gjirokastër; 5 apartamente në zonën e quajtur "Komuna e Parisit"; 3 garazhe në zonën e quajtur "Komuna e Parisit"; 1 apartament në Yzberisht dhe 3 automjete. 

Ndërkaq, nën drejtimin e Prokurorisë po vijon puna për të zbuluar asete të tjera që ky shtetas dhe familjarët e tij mund t’i kenë regjistruar në emër të personave të tjerë./ B.A. – CNA.al





Lajmet e fundit nga