U raportua e zhdukur/ Sendet e 56-vjeçares gjenden anës lumit të Vjosës

22 Qershor 2022, 15:01, Kronika CNA
U raportua e zhdukur/ Sendet e 56-vjeçares gjenden anës lumit
Foto ilustruese

Disa sende personale, të cilat dyshohet se i përkasin shtetases L.K., e cila dy ditë më parë u raportua e zhdukur, janë gjetur anës së lumit Vjosë, në fshatin Mifol.

56 vjeçarja e cila vuante nga probleme të shëndetit mendor, sipas kallëzimit të familjarëve, është larguar nga banesa më datë 20 qershor, 2022.

“Më datë 22.06.2022, rreth orës 12:10, nga shërbimet kufitare të DRKM Vlorë, anës lumit Vjosë, në fshatin Mifol, janë konstatuar disa sende vetjake, të cilat dyshohen se i përkasin shtetases L. K., 56 vjeçe, me probleme të shëndetit mendor, e cila, sipas kallëzimit të familjarëve, është larguar nga banesa më datë 20.06.2022.

Me marrjen e njoftimit, shërbimet e Policisë kanë shkuar mënjeherë në vendngjarje dhe pritet mbërritja e polumbarëve të RENEA-s, për të bërë të mundur kërkimet në lumin Vjosë.

Grupi hetimor po punon për zbardhjen e plotë të rrethanave të ngjarje”-thuhet në njoftim./CNA.al

Lajmet e fundit nga