web counter
LEXO PA REKLAMA!

SHKARKO APP

App Store
Google Play

E fundit!

x

Kush është Besnik Lamçja, autor i vrasjes tek “Magazinat”/ Si i shpëtoi autoriteteve për 22 vite

11 Shtator 2022, 17:21, Kronika CNA
Kush është Besnik Lamçja, autor i vrasjes tek
Fotomontazh - Besnik Lamçja

Ditën e sotme policia shqiptare, në bashkëpunim me autoritetet italiane, kanë bërë të mundur ekstradimin e një personi të shumëkërkuar, që ishte vënë në pranga në shtetin fqinj rreth dy muaj më parë.

Besnik Lamçja është i shumëkërkuari, i cili kishte mundur t’i shpëtojë ndëshkimit të ligjit për 22 vite me radhë.

Ai është dënuar me 25 vite heqje lirie nga Gjykata e Posaçme e Shkallës së Parë Tiranë, nën akuzt e “Vrasjes me paramendim" kryer në bashkëpunim, “Vjedhjes me armë", kryer në bashkëpunim dhe “Mbajtjes pa leje dhe prodhimit të armëve, armëve shpërthyese dhe të municionit".

Kush është Besnik Lamçja, autor i vrasjes tek

Në datën 27 qershor 2000, në vendin e quajtur “Magazinat e tregtisë”, në rrugën “Siri Kodra”, Besnik Lamçja, në bashkëpunim me shtetasin E.Ç., ka vrarë me armë zjarri shtetasin G. U.

Pas kryerjes së krimit, ai mundi të arratiset dhe t’i shpëtojë prangave. Prej disa vitesh, Lamçja ndodhej në Itali, ku kishte arritur të fshihej duke përdorur një emër të rreme.

Por pas gjurmimit dhe identitfikimit nga autoritetet italiane, u bë i mundur arrestimi i tij, 22 vite pas kryerjes së vrasjes në Tiranë./ B.A. – CNA.al





Lajmet e fundit nga