web counter
LEXO PA REKLAMA!

SHKARKO APP

App Store
Google Play

E fundit!

x

Klodiana Lala zbardh detaje/ Lear Kurti filloi të dridhej sapo mbërriti në komisariat

20 Tetor 2022, 21:40, Kronika CNA
Klodiana Lala zbardh detaje/ Lear Kurti filloi të dridhej sapo
Gazetarja Klodiana Lala

Gazetarja Klodiana Lala ka folur për ndarjen nga jeta të Lear Kurtit, i cili ndërroi jetë pas shoqërimit nga policia.

Lala tregoi se 32-vjeçari është shoqëruar mbrëmjen e djeshme rreth orës 23 dhe në momentin e mbërritjes në komisariat, ka filluar të dridhet.

Ajo tha në emisionin “Open” se i riu ka ndërruar jetë pa mbërritur ende te spitali i Traumës dhe e gjithë kjo ka ndodhur brenda 45 minutave.

“Leari është shoqëruar nga punonjësit e policisë rreth orës 23 mbrëmë. Është identifikuar dhe është shoqëruar në komisariat nga një patrullë tjetër. Në komisariantin 3 ka pasur shenjat e para të dridhjeve, është futur në ambientet e brendshme e komisariatit, më pas është dërguar drejt Traumës, ku u tha se mbërriti i vdekur.

E gjithë kjo zgjati rreth 45 minuta. Analizat toksikologjike dhe të thelluara janë duke u kryer dhe duan nga 2-3 javë, ka raste që shkon deri në 6 javë të kemi përgjigje”, u shpreh ajo.

Më tej, gazetarja deklaroi se në trupin e të riut nuk janë konstatuar shenja dhune.

"Momentin që 32-vjeçari ka zbritur në komisariat ka shfaqur simptomat e para, ka shqetësime shëndetësore se dridhet. Nuk e dimë sa gjatë është mbajtur në komisariat. Nuk e dimë nëse do kishte shpëtuar nëse do ishte dërguar në spital. Nuk ka shenja të dukshme të dhunës, por ka një moment kontradiktor se policia thotë e dërgoi me shenja jete në spital, por Trauma deklaron që mbërritja e tij ishte e pajetë.

Nuk di ku bazohet policia që thotë ka gëlltitur narkotikë. Është elementë t’i bëj gjyqin një të riu, por nuk do guxoj ta bëj. Edhe sikur të jetë përdorues, policët duhet të zbatojnë protokollet për t’i garantuar të drejtat. Deri tani nuk kemi një analizë që të përcaktojë që ka vdekur si pasojë e overdozës.

Janë të gjitha këto pika që më thonë se duhet një analizë e thelluar sepse policia ka mbetur në vendnumëro. Nuk më rezulton të ketë pasur shenja dhune, por ekspertiza finale mund të nxjerrë edhe diçka tjetër.

Kam edhe një moment të paqartë, thuhet që janë konstatuar shenja në kyçe nga prangosja. Ku është bazuar që është prangosur një person që është marrë për verifikim”, theksoi Lala./ B.A. – CNA.al





Lajmet e fundit nga