web counter
LEXO PA REKLAMA!

SHKARKO APP

App Store
Google Play

E fundit!

x

Ekzekutimi i mikut të Ervis Martinajt/ Artan Hoxha publikon pamjet

18 Tetor 2022, 13:47, Kronika CNA

Ekzekutimi i mikut të Ervis Martinajt/ Artan Hoxha publikon pamjet

Në vitin 2020  dy vëllezër u ekzekutuan në në autostradën Milot-Mamurras pranë fshatit Gjormë të Kurbinit.

Bëhet fjalë për Paulin Gjergji dhe Bujar Likën, të cilët mbetën viktima të një atentati, ndërsa ishin brenda një lokali.

Katër persona janë hetuar dhe dërguar për gjykim për këtë çështje.

Eduart Lamaj akuzohet se ka pasur rolin e ekzekutorit, ndërsa miqtë e tij Ilir Lika (Xhepaj), Klaudio Përkola dhe Oltion Vlashi në rolin e ndihmësit.

Gazetari Artan Hoxha, i cili sot ka nxjerrë edhe videon nga ngjarja, deklaron në Abc, se kjo është një vrasje e pastër me pagesë dhe jo një grabitje siç u pretendua.

Sipas tij, Bujar Lika i njohur si Ari, ka qenë njeriu më i afërt i Ervis Martinajt.

Hoxha nënvizon se vrasësit janë kujdesur që të kryejnë porosinë deri në fund majde kanë krijuar edhe alibinë e grabitjes për të mos u zbuluar.

“Bëhet fjalë për një skuadër të mirëfilltë vrasësish me pagesë, shumë të organizuar. Pasi u plagos Eduart Lamaj ai u soll në spital privat dhe i gjetën mjekë të mirë. Po ashtu, këta që po rrinë në burg tani, po mbahen në kushte shumë të mirë dhe kanë një mbështetje ligjore nga avokatë të mirëpaguar. Pyetja që prokuroria dhe policia nuk zbardhën është: Ore kush paguan për këta?!”, ka thënë Hoxha.

Në videon e publikuar nga gazetari Artan Hoxha shihet të 4 autorët të cilët vijnë me maska dhe me uniforma komflazhi. I pari që hyn brenda lokalit dhe kryen vrasjen është Eduart Lamaj. Ai thërret në emër Bujar Likën, ndërsa më pas hap zjarr ndaj tavolinës ku ai ishte ulur me biznesmenin Paulin Gjergji.

Pasi Eduart Lamaj hap zjarr, ka qenë Bujar Lika i cili njihej si krahu i djathtë i Ervis Martinajt, ai i cili kundërpërgjigjet me pistoletë duke lënë të plagosur autorin Eduart Lamaj. /CNA.al





Lajmet e fundit nga