E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Masakra në Klos/ Gazetari jep detajet: Ka pasur fyerje ndaj vajzës në atë tavolinë

17 Tetor 2022, 22:56, Kronika CNA

Masakra në Klos/ Gazetari jep detajet: Ka pasur fyerje ndaj vajzës

Gazetari Armand Bajrami

Gazetari Armand Bajrami ka dhënë detaje në lidhje me masakrën në Klos, ku mbetën të vrarë babë e bir, Kenado dhe Ilir Shira si dhe u plagosën dy të tjerë, Renato dhe Eglantin Hasula.

I ftuar në "Opinion", gazetari Armand Bajrami ka treguar se vajza 16-vjeçare është kërcënuar fillimisht nga Renato Hasula se do t'i publikonte foto dhe video në rrjetet sociale, duke bërë që vajza të mos shkonte në shkollë për ditë me radhë.

Ndërsa më tej tregon se në tavolinë ku ka qenë autori me viktimat është përdorur etiketim fyerës ndaj vajzës, gjë që ka çuar në agravimin e situatës.

“Në muajin shtator, Renato Hasula ka pretenduar se i ka vjedhur adresën në 'Instagram' të 16-vjeçares dhe më pas dhe ai ka vijuar me kërcënime të kësaj forme se do të publikojë foto ose video. Presioni i madh që ajo ka pasur nga Renato Hasula ka bërë që vajza për 4 ditë të mos shkojë në shkollë. Kjo tronditje ka shkuar dhe tek i ati i saj, i cili ka ardhur në Shqipëri dhe ka kërkuar takim me 4 personat e tjerë. Ka filluar një diskutim se pse ka ndodhur apo si ta sheshonin këtë. Sipas dëshmive, Fiqiri Mjeshtri i ka kërkuar një prej djemve që duhet të konsolidonin këtë marrëdhënie në martesë.

Ka hasur në një reagim kundërshtues dhe madje sipas dëshmive, ka pasur një etiketim fyer ndaj vajzës, 16-vjeçares në atë tryezë nga pala e akuzuar dhe kjo ka ngjallur tension shumë të lartë te Fiqiri Mjeshtri që është larguar fillimisht pak metra nga tavolina dhe më pas kthyer dhe i ka qëlluar me pistoletë të 4 personat duke vrarë 17-vjeçarin Shira, duke plagosur rëndë babain e tij që ka ndërruar jetë gjatë rrugës në spital dhe ka plagosur 2 të tjerët", u shpreh Bajrami.

Gazetari Bajrami thekson se 16-vjeçarja është shumë e tronditur dhe tregon se ajo ka dëshmuar se ka pasur vetëm komunikim elektronik përmes rrjeteve sociale me 2 djemtë.

“Vajza është shumë e tronditur, por ka refuzuar që të ketë pasur një marrëdhënie të ngushtë miqësore me djemtë. Ka pasur vetëm komunikim elektronik mes tyre”, tha gazetari./ CNA.al