web counter
LEXO PA REKLAMA!

SHKARKO APP

App Store
Google Play

Të shpallur në kërkim ndërkombëtar/ Ekstradohen 2 shqiptarë të kapur në Kosovë dhe Kroaci

19 Tetor 2022, 15:38, Kronika CNA
Të shpallur në kërkim ndërkombëtar/ Ekstradohen 2
Foto ilustruese

Specialistët e Interpol Tirana kanë ekstraduar drejt vendit tonë dy shtetas të shpallur në kërkim ndërkombëtar.

Blutë bëjnë me dije se nga Kosova drejt Shqipërisë është ekstraduar shtetasi Shpejtim Halimi.

Ai ishte shpallur në kërkim ndërkombëtar nga ZQK Interpol Tirana, pasi Gjykata e Rrethit Gjyqësor Tiranë, me vendimin e datës 21.07.2021, e ka dënuar me 4 vjet burgim, për veprën penale “Përndjekja”.

Gjithashtu, nga Kroacia drejt Shqipërisë, është ekstraduar shtetasi Aleksander Nik-Ramaj.  

Ai është arrestuar nga autoritetet policore në Kroaci, me qëllim ekstradimin drejt Shqipërisë, në zbatim të urdhër arrestit ndërkombëtar të lëshuar nga Zyra Qendrore Kombëtare Interpol Tirana, pasi Gjykata e Rrethit Gjyqësor Vlorë, me vendimin e datës 13.12.2019, e ka dënuar këtë shtetas me 1 vit e 4 muaj burgim, për veprat penale “Plagosja e rëndë me dashje” dhe “Mbajtja pa leje e armëve të ftohta”. Ky shtetas, në vitin 2017, pas një konflikti për motive të dobëta, në Vlorë, ka plagosur rëndë, me mjet prerës thikë, shtetasin V. C.

Shtetasit e ekstraduar iu dorëzuan Drejtorisë së Përgjithshme të Burgjeve./ B.A. – CNA.al





Lajmet e fundit nga