web counter
LEXO PA REKLAMA!

SHKARKO APP

App Store
Google Play

E fundit!

x

Kanosën 32-vjeçarin dhe fshehën armën e zjarrit/ Pranga dy vëllezërve

5 Gusht 2025, 11:31, Kronika CNA

Kanosën 32-vjeçarin dhe fshehën armën e zjarrit/ Pranga dy

Dy vëllezër janë arrestuar nga policia e kryeqytetit, pasi kanë kanosur një shtetas me armë zjarri dhe më pas kanë fshehur armën.

Në pranga ka rënë L. M., 27 vjeç, pasi gjatë një konflikti ka kanosur me armë zjarri 32-vjeçarin A. R.

Ndërsa vëllai i 27-vjeçarit është vënë në pranga pasi dyshohet se ka fshehur armën e zjarrit të përdorur nga vëllai i tij.

Gjatë kontrolleve, policia gjeti dhe sekuestroi një sasi municioni luftarak dhe automjetin e përdorur.

 

Njoftimi i policisë

Reagimi i menjëhershëm i Policisë vë në pranga një 27-vjeçar, i cili qarkullonte me armë zjarri dhe kanosi një shtetas, gjatë një konflikti për motive të dobëta.

Në pranga edhe vëllai i tij, i cili fshehu armën e zjarrit menjëherë pas ngjarjes.

Sekuestrohen arma e zjarrit, me fishek në fole, gati për qitje, municion luftarak dhe një automjet.

Shërbimet e Komisariatit të Policisë Nr. 6, në bashkëpunim me Forcat Operacionale të DVP Tiranë dhe me Komisariatin Nr. 7, pas marrjes së njoftimit se në vendin e quajtur “Kthesa e Kamzës” një shtetas kishte kanosur me armë zjarri një 32-vjeçar, gjatë një konflikti mes tyre, organizuan punën dhe ndërhynë me shpejtësi për kapjen e autorit të dyshuar.

Si rezultat i veprimeve të mirëkoordinuara u bë arrestimi në flagrancë i shtetasve:

          •        L. M., 27 vjeç, për veprat penale “Kanosja” dhe “Mbajtja pa leje dhe prodhimi i armëve, armëve shpërthyese dhe i municionit”. Ky shtetas dyshohet se gjatë një konflikti për motive të dobëta, ka kanosur me armë zjarri shtetasin A. R., 32 vjeç.

          •        R. M., 25 vjeç, për veprën penale “Përkrahja e autorit të krimit”, pasi dyshohet se ka fshehur armën e zjarrit të përdorur nga vëllai i tij, menjëherë pas ngjarjes.

 

Gjatë kontrollit të ushtruar në banesën e 27-vjeçarit, shërbimet e Policisë gjetën armën e zjarrit të përdorur në ngjarje, një sasi municioni luftarak dhe automjetin, të cilat u sekuestruan në cilësinë e provës materiale.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme./ CNA





Lajmet e fundit nga