web counter
LEXO PA REKLAMA!

SHKARKO APP

App Store
Google Play

E fundit!

x

Mallra kontrabandë dhe trafik emigrantësh/ Dy të proceduar në doganat e Qafë-Thanës dhe Goricës

5 Gusht 2025, 09:35, Kronika CNA

Mallra kontrabandë dhe trafik emigrantësh/ Dy të proceduar

Në pikat kufitare të Qafë-Thanës dhe Goricës janë goditur dy raste të paligjshmërive.

Një 30-vjeçari në doganën e Qafë-Thanës, gjatë kontrollit të automjetit, iu gjet i fshehur nën rimorkio një shtetas maroken.

Për këtë shkak, 30-vjeçari u procedua penalisht.

Në doganën e Goricës, T. A., 63 vjeç, gjatë kontrollit në automjet iu gjetën produkte ushqimore dhe medikamente të papajisura me faturë tatimore.

63-vjeçari u procedua penalisht për kontrabandë mallrash dhe tregtim të mallrave kontrabandë.

 

Njoftimi i policisë

 

DVKM Korçë/Goditen në PKK Qafë Thanë dhe në PKK Goricë, 2 raste të paligjshmërive në kufi.

Gjatë kontrolleve të imtësishme, të kryera në bazë të analizës së riskut, ndaj shtetasve dhe mjeteve me të cilat ata lëvizin, shërbimet e Drejtorisë Vendore për Kufirin dhe Migracionin Korçë konstatuan në hyrje të Republikës së Shqipërisë, 2 raste të paligjshmërive në kufi. Konkretisht:

-në PKK Qafë Thanë, gjatë kontrollit në kamionin që drejtonte shtetasi V. T., 30 vjeç, banues në Maqedoninë e Veriut, u gjet i fshehur nën rimorkio, 1 shtetas maroken. Në përfundim të veprimeve procedurale për rastin, nisi procedimi në gjendje të lirë për 30-vjeçarin, për veprën penale “Ndihma për kalim të paligjshëm të kufijve”;

-në PKK Goricë, gjatë kontrollit në automjetin që drejtonte shtetasi T. A.,  63 vjeç, banues në fshatin Zaroshkë, u gjetën produkte ushqimore dhe medikamente, të papajisura me fatura blerjeje. Në përfundim të veprimeve procedurale për rastin, nisi procedimi në gjendje të lirë për 63-vjeçarin, për veprat penale "Kontrabanda me mallra të tjera" dhe "Tregtimi dhe transportimi i mallrave që janë kontrabandë". Gjithashtu, mallrat u sekuestruan me cilësinë e provës materiale.

Kontrollet kundër paligjshmërive në kufi dhe tentativave për të lëvizur ilegalisht, vijojnë, krahas punës për menaxhimin e fluksit dhe ofrimin e një shërbimi policor të shpejtë dhe me etikë për qytetarët.

Materialet procedurale iu referuan Prokurorisë së Korçës, për veprime të mëtejshme./ CNA





Lajmet e fundit nga