web counter
LEXO PA REKLAMA!

SHKARKO APP

App Store
Google Play

E fundit!

x

I penduari i drejtësisë zbërthehet/ Si u vu tritoli te bizneset e Noizy-t

14 Maj 2026, 12:19, Kronika CNA

I penduari i drejtësisë zbërthehet/ Si u vu tritoli te bizneset e

I penduari i drejtësisë, Artan Tafani, ka dëshmuar se si iu vendos tritoli me urdhër të Laert Haxhisë bizneseve të reperit Noizy.

Sipas Tafanit, gjithçka ka ndodhur pas një sherri fizik në Durrës mes Noizy-t dhe Kleviol Ahmetajt.

I vënë në pozitë për shkak të sherrit, Laert Haxhia urdhëroi t’i vihej tritoli biznesit të Noizy-t.

“Ka ndodhur ato ditë një sherr, është zënë Kleviol Ahmetaj me Noizy-n. Fillimisht në 'TikTok', pastaj fizikisht në Durrës janë goditur. Klevioli me Laertin njihen familjarisht, janë shokë. Nuk i erdhi mirë Laertit që e rrahën Kleviolin në atë mënyrë. Po diskutonin, kërkonin Laertin për t'i bërë diçka Noizy-t për atë që bëri, vendosën t'i vënë tritol për rrahjen e Kleviolit. Nëna e Kleviolit dhe motra morën në telefon Laertin, ata pyesnin si e rrahën kështu, Laerti u vu në siklet, çohuni tha shkoni vijini tritol, e kishim tritolin në shtëpi që e mbanim. Një kile e pak.

I bashkova unë, i ngjita me ngjitës, nga ora 2:30 u nisëm, ishim me Lulzim Spahinë e Laertin. Laerti tha nisuni. Morëm 'Benz'-in e zi që kishim marrë te Casa Nova, i hoqëm targat dhe ia vumë makinës sime, sepse makina ime ishte në kërkim në atë kohë. Lulzim Spahia e dinte ku do të shkonim. Më orientoi, parkova te lokali një rrugicë më lart, Lulzimi qëndroi në makinë. Lokali që ishte në kat të dytë i Noizy-t, ishte i hapur. S' po gjeja dot shkallët, kthehem te makina i them s'po gjej dot shkallët. Lulzimi komunikon me Laertin, i them ta vendos te lokali poshtë, dyqani i rrobave, mu te dera, pasi pyetëm Laertin dhe na tha vendoseni aty. E ndeza fitilin dhe ika te makina. Pasi ikëm disa metra dëgjuam shpërthimin, i shkruam Laertit që e vumë, shpërtheu, dhe u kthyem në shtëpi”, ka dëshmuar Artan Tafani./ CNA





Lajmet e fundit nga