web counter
LEXO PA REKLAMA!

SHKARKO APP

App Store
Google Play

Atentati ndaj ish-prokurorit Arjan Ndoja/ "Zbërthehet" grupi kriminal, personat e përfshirë

28 Maj 2024, 10:15, Kronika CNA
Atentati ndaj ish-prokurorit Arjan Ndoja/ "Zbërthehet" grupi
Arjan Ndoja

Prokuroria e Posaçme ka mbyllur hetimet dhe ka dërguar për gjykim 6 persona si të përfshirë në atentatin ndaj ish-prokurorit Arjan Ndoja, ngjarje e ndodhur në nëntor të 2019, në autostradën Durrës-Tiranë, në afërsi të mbikalimit të Shkozetit. 

Në momentin e atentatit në makinë ishte edhe shoferi Andi Maloku, i cili mbeti i vrarë. Ndërsa Arian Ndoja dhe Aleksandër Laho morën plagë me armë zjarri dhe iu nënshtruan mjekimit në spital.

Nga hetimet janë identifikuar dy nga autorët që kanë marrë pjesë në këtë ngjarje, të cilët janë Redjan Rraja dhe Ariol Halilaj, që janë marrë të pandehur.  

Sipas Prokurorisë së Posaçme, Plaurent Dervishaj, Julian Meçaj, Bledar Polovina, Amar Shkëmbi (alias Dritan) kanë qenë bashkëpunëtorë të të pandehurve Redian Rraja dhe Ariol Halilaj. 

Julian Meçaj, Bledar Polovina, Amar Shkëmbi (alias Dritan), Ramazan Rraja dhe Endrit Sinani ka siguruar kushtet dhe mjetet materiale për të kryer vrasje. 

Si bashkëpunor i tyre ka qenë edhe Genti Nderjaku. 

"Gjithashtu, provat e mbledhura gjatë hetimit kanë evidentuar faktin penal se shtetasit Plaurent Dervishaj, Julian Meçaj, Genti Nderjaku (alias Kili, alias Ekil), Ramazan Rraja, Bashkim Haxhija dhe Julian Pjetri, kanë konsumuar elementët e veprave penale “Sigurimi i kushteve dhe i mjeteve materiale për të kryer vrasje”, “Grupi i strukturuar kriminal” dhe “Kryerja e veprave penale nga grupi i strukturuar kriminal”, parashikuar nga nenet 80, 333/a/2 dhe 334, të Kodit Penal, në dëm të shtetasve Arjan Ndoja, Aleksandër Laho (Pëllumb Muharremi), Vullnet Muça (alias Muharremi), Genci Maloku dhe Arben Mërkuri (Maneci), për periudhën pas ngjarjes së datës 01.11.2019 (episod i konsumuar pas ngjarjes së datës 01.11.2019)", thuhet në njoftimin e SPAK-ut. 

Mbi personat nën hetim rëndojnë veprat penale, “Sigurimi i kushteve dhe i mjeteve materiale për të kryer vrasje”,  “Grupi i strukturuar kriminal” dhe “Kryerja e veprave penale nga grupi i strukturuar kriminal”./CNA 





Lajmet e fundit nga