web counter
LEXO PA REKLAMA!

SHKARKO APP

App Store
Google Play

E fundit!

x

SPAK dhe autoritetet italiane operacion/ Goditet grupi kriminal, “koka” e bandës, shqiptar

27 Maj 2024, 20:53, Kronika CNA
SPAK dhe autoritetet italiane operacion/ Goditet grupi kriminal,
Foto ilustruese

Autoritete italiane në bashkëpunim me SPAK kanë kryer një operacion, duke goditur një grup kriminal i cili drejtonte një rrjet restorantesh në Firence. 

Sipas medias italiane, ky grup ka arritur të blejë 31 restorante nga viti 2012 e deri më sot, shumica në qendër të Firences , dy hotele, biznese të makinave me qira dhe prodhimit të birrës për rreth 13.5 milionë euro.

Pjesë e grupit kriminal janë 9 persona të dyshuar si, ish-portieri i Fiorentinës dhe Napolit, Giuseppe Taglialatela , 55 vjeç, tani përfaqësues ligjor i Ischia Calcio, Alessandro Bigi , 49 vjeç, Florentine dhe Eluert Kamami 40 vjeç, këta dy të fundit ishin dhe “kokat” e bandës.

Grupi ka shpenzuar rreth një milion e gjysmë euro cash.

Paratë që më pas përdoreshin, të paktën pjesërisht, për të paguar punonjësit e ambienteve në mënyrë të paligjshme dhe pjesa tjetër për t'u riinvestuar në blerjen e bizneseve të restoranteve në qendër të Firences.

Sipas asaj që raportohet ky grup kriminal, pjesë e të cilit ishin dhe shtetas shqiptarë, kishin një numër të madh restorantesh përmes të cilave fitonin para dhe i riinvestonin në blerjen e ambienteve të tjera dhe në të cilat Drejtoria Antimafia e Qarkut ka akses në qendër të vëmendjes.

Drejtuesit e grupit kriminal, Kamami dhe Bigi sipas hetuesve, kanë blerë tre Ferrari, bizhuteri, shufra ari dhe diamante.

Po ashtu me para cash kanë blerë 50 për qind të aksioneve të Ischia Calcio në periudhën mes dhjetorit të 2023 dhe majit 2024./ CNA





Lajmet e fundit nga