web counter
LEXO PA REKLAMA!

SHKARKO APP

App Store
Google Play

Detaje nga arrestimi i policit në Fier/ Banesën me qira e ktheu në "strofull" të shitjes së drogës

27 Maj 2024, 11:01, Kronika CNA
Detaje nga arrestimi i policit në Fier/ Banesën me qira e ktheu
Droga e sekuestruar në banesën e marrë me qira

Të tjera detaje janë zbuluar nga arrestimi i efektivit me iniciale L. G. në Fier, i cili akuzohet për "Prodhim dhe shitje e narkotikëve". 

Agjencia e Mbikëqyrjes Policiore bën me dije se është ushtruar kontroll në një banesë të marrë me qira nga polici dhe u gjetën 500 gramë kanabis. 

Nga hetimet rezultoi se punonjësi i policisë L. G. e përdorte banesën me qëllimin për të magazinuar lëndën narkotike.

Njoftimi i AMP-së:

Agjencia e Mbikëqyrjes Policore (Rajoni Fier-Berat), në kuadër të hetimit proaktiv me metoda speciale, i cili u finalizua gjatë operacionit të datës 24.05.2024 me arrestimin në flagrancë të 4 shtetasve (mes tyre një punonjës policie) dhe procedimin e 2 shtetasve të tjerë, të dyshuar për "Prodhim dhe shitje e narkotikëve", ka kryer veprimet hetimore, duke bërë të mundur sigurimin e të dhënave, nga të cilat është ushtruar kontroll në një banesë të marrë me qera nga punonjësi i policisë L. G., ku u gjetën dhe u sekuestruan në cilësinë e provës materiale një sasi prej 500 gr lëndë e dyshuar narkotike Cannabis Sattiva.

Nga hetimet e AMP-së ka rezultuar se punonjësi i policisë L. G. e përdorte banesën me qëllimin për të magazinuar lëndën narkotike.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier.

AMP mbetet e përkushtuar në misionin e saj për garantimin e zbatimit të ligjit dhe fton qytetarët të denoncojnë çdo rast të abuzimit apo shkeljes së ligjit nga ana e punonjësve të Policisë së Shtetit, duke telefonuar në numrin e gjelbër 0800 90 90./CNA 





Lajmet e fundit nga