web counter
LEXO PA REKLAMA!

SHKARKO APP

App Store
Google Play

Artan Hoxha zbulon të pathënat/ Gabimi fatal i Ervis Martinajt

28 Maj 2024, 10:12, Kronika CNA

Artan Hoxha zbulon të pathënat/ Gabimi fatal i Ervis Martinajt

Gazetari investigativ, Artan Hoxha, zbuloi gabimin fatal të Ervis Martinajt, “mbretit” të lojërave të fatit që është zhdukur që prej gushtit 2022.

Hoxha tha se Martinaj nuk e administroi dot pushtetin e tij dhe shkeli rregullat që ka bota e krimit të organizuar.

Ai tregoi në një dalje televizive se boss-i i lojërave të fatit ortakët i bëri armiq, pasi ecte me synimin "përçaj dhe sundo".

Sipas tij, kjo i solli Martinajt kundështarë të egër, të cilët më pas e goditën.

“Ti në Shqipëri mund t’i fshihesh policisë, SHIK-ut, prokurorisë, ama jo kundërshtarit. Dosja e Revanshit dëshmon që ata janë të aftë ta gjejnë njëri-tjetrin edhe në vrimë të miut. Ata i dinë njëri-tjetrit çfarë hanë, çfarë pinë. Durim Bamin tentuan ta vrasin shumë herë. Mesa duket nuk paska qenë e lehtë të shkoje tek ai.

Durim Bami është shumë i kujdesshëm. Ka lidhje të forta. Ai ka një areolë tjetër mbrojtëse. Gabimi më i madh që bëri Martinaj ishte që në kulmin e pushtetit të vet nuk e administroi dot dhe shkeli rregullat që ka bota e krimit të organizuar.

Ai bëri armiq gjithë ortakët e vet. Ai ka punuar 15 vjet me vëllezërit Duka dhe në fund arriti puna që ata vendosën deri në 10 milionë euro për Ervis Martinajn. Kjo fjalë e përhapur në territor bëri që gjithë vrasësit me pagesë të josheshin. Skuadrat e qitësve, dalin nga qarkullimi tani. Kjo tregon që kur hidhet llokma, hidhen të gjitha hienat për ta kapur. Gjithë vrasësit me pagesë janë joshur, kanë ardhur edhe nga Kosova, Bullgaria.

Natyra e Visit ishte 'përçaj dhe sundo'. Ai ka bërë të njëjtën gjë edhe në Fushë-Kuqe. Sa merrte vesh që një grup po fuqizohej shkonte e godiste. Nëse nuk e godiste dot bënte marrëveshje që ta kishte aleat. Por këto lloj idesh nuk mund të bëhen në këtë vend të vogël”, theksoi gazetari./ CNA





Lajmet e fundit nga