LEXO PA REKLAMA!

SHKARKO APP

E fundit!

x

Gjendet një person i pajetë në Pogradec/ Dyshimet e para

13 Gusht 2022, 20:47, Kronika CNA
Gjendet një person i pajetë në Pogradec/ Dyshimet e para
Foto ilustruese

Një person është gjetur i pajetë në lagjen numër 4 në Pogradec. Trupi i shtetasit me iniciale K.H. është gjetur nga familjarët dhe dyshohet se viktima ka humbur jetën disa ditë më parë.

Nga informacionet paraprake, mendohet se shkak i humbjes së jetës ka qenë kontakti me rrymën elektrike.

Aktualisht trupi është dërguar për ekzaminim në morg, nga ku pritet të mësohet arsyeja e vdekjes. Ndërkaq, policia ka nisur hetimet për zbardhjen e plotë të rrethanave të ngjarjes.

Njoftimi i policisë:

Mbrëmjen e sotme, rreth orës 20:15, në lagjen nr. 5, Pogradec, në banesë, është gjetur nga familjarët e tij, i vdekur dhe pa shenja dhune, shtetasi K. H., rreth 72 vjeç, i cili jetonte i vetëm dhe vuante nga sëmundje të brendshme.

Grupi hetimor po punon për zbardhjen e rrethanave të ngjarjes dhe përcaktimin e shkakut të vdekjes./ B.A. – CNA.al

Lajmet e fundit nga