web counter
LEXO PA REKLAMA!

SHKARKO APP

App Store
Google Play

E fundit!

x

Dyshimet mbi burimin e parave të Klosit/ Ngjela: Është e justifikuar, nuk ka kryer vepër penale

10 Janar 2023, 11:39, Kronika CNA
Dyshimet mbi burimin e parave të Klosit/ Ngjela: Është e
Avokati Spartak Ngjela

Avokati Spartak Ngjela ka komentuar grabitjen në banesën e ish-zyrtares së lartë në Kryeministri, Alda Klosi, si dhe dyshimet për burimin e parave të vjedhura.

I ftuar në emisionin "Breaking", Ngjela thotë se Klosi nuk ka kryer asnjë vepër penale pasi mund të deklarojë se lekët i ka gjetur në rrugë dhe sipas ligjit kur i gjen janë të tuat.

Avokati thekson se problemi ekziston kur këtyre parave u del pronari.

Ngjela shprehet se Klosi ka dëshmuar se paratë i ka mbledhur për xhaxhain dhe mund të gjejë disa dëshmitarë, të cilët mund të thonë se i kanë dhënë lekë Klosit.

Ndër të tjera avokati është shprehur se SPAK-u merret me korrupsionin dhe krimin e organizuar dhe nëse ky është krim i organizuar atëherë çështja do të shkojë në SPAK, përndryshe jo.

“Ajo është e justifikuar. Nuk ka vepër penale, është vepër administrative. Ajo mund të thotë lekët i kam gjetur në rrugë. Ligji e thotë qartë, kur i gjen janë të tuat. Kur i del pronari është problem. Ajo ka thënë që po mblidhja lekë për xhaxhain. Ajo mund të nxjerrë 10 dëshmitarë, që të thonë i dhashë unë 5 mijë, i thashë unë 10 mijë. SPAK merret me korrupsionin dhe krimin e organizuar. Nëse ky është krim i organizuar atëherë çështja do të shkojë në SPAK, përndryshe jo”, deklaroi Ngjela./ CNA.al





Lajmet e fundit nga