web counter
LEXO PA REKLAMA!

SHKARKO APP

App Store
Google Play

E fundit!

x

Zbardhet dëshmia e "pastrueses intelektuale"/ Pse ia vodha paratë Alda Klosit

Zbardhet

9 Janar 2023, 19:37, Kronika CNA

Zbardhet dëshmia e "pastrueses intelektuale"/ Pse ia vodha

Rozeta Dobi e arrestuar së bashku me djalin e saj Havier Dobi për vjedhje në pronen e ish-zyrtares së lartë të shtetit, ka rrefyer se ajo kishte gjetur një kasafortë në shtëpinë e Alda Klosit dhe nga urrejtja që kishte për të, mori paratë që kishte në të dhe u largua.

Në dosjen e zbardhur nga gazetarja Klodiana Lala, Dobi thotë se në kasafortë fshiheshin shuma të mëdha monetare të prerjeve 500,200 euro dhe dollar dhe paratë që janë gjetur në shtëpinë e saj ishin ato që kishte vjedhur nga prona e Klosit.

Ditën që vodhi paratë, 49-vjeçarja ka thënë se ka thirrur djalin e saj që ta marrë me makinë.

 “Në datë 15.12.2022 i kërkova djalit tim shtetasit Havier Dobi të më dërgonte me makinë tek banesa e Aldes. Gjatë kontrollit ka vënë re se në dhomën e gjumit në dollap ajo mbante një kasafortë e cila ishte në ngjyrë gri. Pasi e ka hapur atë brenda saj ka konstatuar se ndodheshin shuma monetare të prerjeve 500,200,euro dhe 100 dollar, në moment që i ka parë këto shuma parash nga urrejtja që kishte krijuar ndaj shtetases Alda Klosi i ka marrë paratë dhe është larguar më pas me mjetin e djalit të saj. Deklaron se shuma e parave të gjetura në banesën time është nga shuma e lekëve që ka marrë në banesën e shtetases Alda Klosi”, thuhet në dosje.

Në dosje thuhet më tej se saktësisht janë gjetur 404, 800 euro, 8 500 Usd dhe një sasi e konsiderueshme bizhuterish në shtëpinë e Rozeta Dobit.

“Mbi bazën e dyshimeve se në banesë fshiheshin edhe sende të tjera, është kontrolluar me imtësi banesa e të dyshuarve dhe në tubin e aspirimit janë gjetur të fshehura një shumë prej 404, 800 euro, 8 500 Usd dhe një sasi e konsiderueshme bizhuterish, të cilat dyshohen se iu përkasin edhe personave të tjerë ku Rozeta Dobi ka punuar si pastruese”, thuhet në dosje./ CNA.al





Lajmet e fundit nga