web counter
LEXO PA REKLAMA!

SHKARKO APP

App Store
Google Play

E fundit!

x

Artan Hoxha: Një grup enigmatik grabiti ministrat dhe ish-ministrat para 5 vitesh

9 Janar 2023, 18:30, Kronika CNA
Artan Hoxha: Një grup enigmatik grabiti ministrat dhe ish-ministrat para 5
Gazetari investigativ, Artan Hoxha

Gazetari investigativ, Artan Hoxha, ka denoncuar mbrëmjen e sotme vjedhjen e ministrave të para 5 viteve dhe ish-ministrave të PD-së dhe LSI-së.

Teksa ka komentuar grabitjet nga pastruesja, Hoxha kujtoi një seri vjeshjesh të para 5 viteve.

Ai deklaroi se një grup enigmatik grabiste banesat e disa ministrave dhe ish-ministrave të shumave nga 500 mijë euro, 800 mijë, 1 milionë e 100 mijë.

Gazetari theksoi në një intervistë me gazetaren Ina Qirjo se këto grabitje jo vetëm që nuk u denoncuan, por u mohuan nga zyrtarët dhe ish-zyrtarët.

“Më shumë më bën përshtypje fenomeni, kjo ngjarje dhe mund të mos zbulohej. Unë di plot raste të tjera, kam denoncuar para 5 vitesh një seri ngjarjes ku ndryshe nga sot nuk i dha mundësi medias. Brenda këtij harku kohor një grup enigmatik për kohën arriti të grabiste brenda këtij harku kohor banesat e disa ministrave në detyrë të qeverisë Rama dhe Meta, ish-ministra të PD-së dhe personazhe të rëndësishëm të të dyja kabineteve.

Shumat e grabitura shkonin nga 500 mijë euro,  800 mijë, 1 milionë e 100 mijë, etj. Në të gjitha këto raste ngjarjet jo vetëm që nuk u denoncuan, por kur policia e merrte vesh, shkonte dhe paraqitej pranë banesave të zyrtarëve dhe ata thonin që nuk ishte e vërtetë. Në një rast tjetër u tha që u grabit banesa e prindërve, por në asnjë rast nuk u pranuan grabitjet. Dyshimet ishin se atë kohë ka qenë ministër Tahiri, dhe u bë shqetësuese për grupet rivale se kundërshtarët ishin fuqizuar nga paratë që po u merrnin ministrave.

Ata e dinin që kishin tendera të rëndësishëm në duar, ata shkonin të ministri i infrastrukturës për shembull se e dinin që kishte tender, u krijua ideja që ata ishin përgjuar dhe më pas ishin sulmuar. Nuk është hera e parë që grabiten shtëpitë e zyrtarëve në Shqipëri, por problemi është se në këtë rast u bë e pamundur të hetohej se askush nuk pranoi të denonconte”, theksoi Hoxha./ B.A. - CNA.al





Lajmet e fundit nga