web counter
LEXO PA REKLAMA!

SHKARKO APP

App Store
Google Play

"Sherr" me thikë në Fier/ I moshuari plagos 25-vjeçarin

9 Janar 2023, 16:09, Kronika CNA

"Sherr" me thikë në Fier/ I moshuari plagos

Shtetasi Z.M. 60 vjeç është arrestuar ditën e sotme nga policia pasi akuzohet se ka goditur me mjet prerës A. T., 25 vjeç.

Ngjarja ka ndodhur në vendin e qujatur "Rotondo e Sheqit" në qytetin e Fierit.

Sipas policisë konflikti mes dy personave ka ndodhur për motive të dobëta.

25-vjeçari i plagosur ndodhet në spital, nën kujdesin e mjekëve.

"Plagoset me thikë një 25-vjeçar në Fier, arrestohet në flagrancë autori i dyshuar.

Pas njoftimit të marrë se në vendin e quajtur “Rotondo e Sheqit”, Fier, ishte plagosur me mjet prerës shtetasi A. T., 25 vjeç, në vendngjarje kanë shkuar shërbimet e Policisë, të cilët kanë identifikuar dhe kapur autorin e dyshuar, shtetasin Z.M., 60 vjeç, me profesion taksist.

Nga veprimet e para hetimore dyshohet se pas një konflikti për motive të dobëta, shtetasi Zagoll Muçaj ka goditur me mjet prerës, shtetasin A. T., i cili ndodhet në spital, nën kujdesin e mjekëve.

Në vijim të veprimeve procedurale, specialistët për Hetimin e Krimeve të Komisariatit të Policisë Fier arrestuan në flagrancë shtetasin Z.M., 60 vjeç, banues në Fier, për veprat penale “Vrasja me dashje” e mbetur në tentativë dhe “Prodhimi dhe mbajtja pa leje e armëve të ftohta”.

Materialet do t’i kalojnë Prokurorisë, për veprime të mëtejshme procedurale", shkruhet në njoftimin e policisë./ CNA.al





Lajmet e fundit nga