web counter
LEXO PA REKLAMA!

SHKARKO APP

App Store
Google Play

Ervis Martinaj, me dy identitete/ Artan Hoxha: Pasaporta e rremë, e regjistruar në sistem

9 Janar 2023, 18:02, Kronika CNA
Ervis Martinaj, me dy identitete/ Artan Hoxha: Pasaporta e rremë, e
Gazetari Artan Hoxha

Gazetari Artan Hoxha ka folur për pasaportën e dytë të Ervis Martinajt me identitetin Admir Koca, që policia ka gjetur gjatë bastisjes së banesës së “mbretit” të lojërave të fatit, në Surrel.

Hoxha tha në një intervistë me gazetaren Ina Qirjo se kjo pasaportë ishte e regjistruar në sistem.

Sipas tij, Martinaj lëvizte lirshëm me këtë identitet brenda dhe jashtë vendit, ndonëse ishte shpallur në kërkim nga drejtësia.

“Ai ka jetuar vetë aty, bashkëshortja dhe vajzat. Mbaj mend që vajzat kanë qenë te një nga shkollat që është afër Surrelit. Është gjetur një pasaportë me identitetin Admir Koca. Kjo pasaportë është përdorur dhe këtë duhet ta nxjerrë sistemi si ka mundur ai ta marrë. Është pse ka të dhëna të falsifikuara, pasaporta vetë ekziston në sistem. Fakti që ajo ekziston në sistem do të thotë që atij i jepte mundësi për të lëvizur lirisht brenda dhe jashtë vendit edhe në rast se shpallej në kërkim. Edhe kjo është bërë objekt hetimi”, u shpreh ai.

Më tej, gazetari komentoi edhe faktin se banesa që bastisi policia, në të cilën jetonte Martinaj me familjen, ishte në pronësi të dikut tjetër.

“Di që kjo banesë mirëmbahej nga një person me mbiemër Vuthaj, por në fakt banesa në atë kohë është blerë nga Martinaj. Unë nuk e di se si janë bërë letrat më vonë dhe nëse kjo i është rikthyer prapë personave që e kanë pasur apo jo se është në emër të tyre, ose është lënë në emër të tyre që kjo të mos bëhej pjesë e hetimit që nisi në maj nga SPAK-u për të mos u sekuestruar, por është fakt që është një banesë ku ka qëndruar Ervis Martinaj vetë, ka jetuar me bashkëshorten dhe fëmijët”, theksoi ai./ B.A. – CNA.al





Lajmet e fundit nga