web counter
LEXO PA REKLAMA!

SHKARKO APP

App Store
Google Play

“Rrobat ishin hedhur në tokë”/ Zbardhet dëshmia e vajzës së ish-zyrtares, si e konstatoi vjedhjen

9 Janar 2023, 23:07, Kronika CNA
“Rrobat ishin hedhur në tokë”/ Zbardhet dëshmia e
Ish-zyrtarja Alda Klosi

Personi i parë që konstatoi vjedhjen e banesës nga pastruesja Rozeta Dobi, së bashku me djalin e saj, Havier Dobi, ka qenë vajza e ish-zyrtares Alda Klosi.

Në dëshminë e zbardhur në emisionin e Blendi Fevziut, vajza e Klosit ka treguar se sapo ka mbërritur në banesë ka parë që dera ishte e hapur.

Pasi ka kontrolluar banesën, e mitura ka rrëfyer se ka gjetur raftin e rrobave të hapur me rrobat e hedhura përtokë dhe në atë moment ka telefonuar të ëmën.

“Rreth orës 7:30 kam shkuar në shkollën 'Sami Frashëri', ku jam nxënëse në vitin e parë. Kam qëndruar në shkollë deri në orën 11:30.

Më pas jam ulur tek “X hotel” që ndodhej tek 'Rruga e Barrikadave', ku kam pirë kafe nën shoqërinë e klasës.

Rreth orës 13:50 kam shkuar tek zyra e nënës, Alda Klosi tek zona e Gardës ku kam qëndruar vetëm për disa minuta dhe më pas në këmbë kam shkuar tek shtëpia në 'Rrugën e Kosovarëve'.

Në momentin që kam qenë tek banesa, kam konstatuar se dera ishte pak e hapur. Jam futur në shtëpi dhe kam konstatuar se pjesa e kuzhinës ishte në regull dhe më pas jam futur në dhomën e gjumit ku kam konstatuar se rafti ishte i hapur dhe të gjitha rrobat ishin të hedhura në tokë. Pas kësaj, menjëherë kam telefonuar mamanë dhe i kam treguar për këtë situate”, thuhet në dëshminë e dhënë para hetuesve./ B.A. – CNA.al





Lajmet e fundit nga