web counter
LEXO PA REKLAMA!

SHKARKO APP

App Store
Google Play

E fundit!

x

Dy të zhdukurit në Sarandë/ Lala: Janë rrëmbyer e vrarë, dyshimet e forta për autorët

25 Prill 2023, 22:52, Kronika CNA
Dy të zhdukurit në Sarandë/ Lala: Janë rrëmbyer e
Gazetarja Klodiana Lala

Dy persona me precedentë penalë kanë humbur prej ditësh kontaktet me familjen në Sarandë dhe fat ii tyre ka mbetur mister.

Lidhur me zhdukjen e tyre ka folur mbrëmjen e sotme gazetarja Klodiana Lala, e cila tha në "Open" se ata janë rrëmbyer pas një sherri për pronën.

Sipas saj, dy personat me precedentë penalë mund të jenë vrarë dhe groposur në fshatin Vrinë, në kufirin Shqipëri-Greqi.

Ajo theksoi se autorët e dyshuar mendohet se janë dy anëtarë grupi nga Saranda dhe të tjerët janë nga veriu i vendit.

“Policia vijon kërkimet për trupat e dy personave të zhdukur në fshatin Vrinë, ku besohet se ata mund të jenë groposur. Dy personat janë zhdukur në 6 prill dhe për 4 ditë familjarët nuk i kanë denoncuar pasi nuk ishte hera e parë që janë larguar. Policia ka sekuestruar deri tani 8 automjete, ku njëri është konfirmuar që është përdorur për rrëmbimin e tyre. Sulovari ka pasur armë me vete kur është takuar me mikun e tij për të sqaruar debatet me një grup kriminal për shitblerjen e një toke. Një kamerë ka kapur momentet e fundit para zhdukjes të Koçoles ku ai duket i qetë në një makinë. Besohet se janë dërguar në një fshat në kufirin Shqipëri-Greqi, dhe aty janë groposur.

Asnjë pistë nuk përjashtohet për 2 personat. Autorët e dyshuar mendohet se janë dy anëtarë grupi nga Saranda dhe të tjerët janë nga veriu i vendit. Konflikti ka nisur për pronën. Është zbuluar se kur Koçolja nuk ka marrë drogën e premtuar nga grupi ai i ka kërcënuar ata se do tregojë në polici, gjë që dyshohet se mund të ketë sjellë rrëmbimin. Ka të paktën 3 persona të skeduar në pamjet filmike. Fakti që ka disa të dyshuar, ka qeliza telefonike, mjeti ku janë rrëmbyer është vjedhur në Tiranë. Dyshohet se është një grup i organizuar kriminal”, deklaroi gazetarja./ CNA.al





Lajmet e fundit nga