web counter
LEXO PA REKLAMA!

SHKARKO APP

App Store
Google Play

Sekuestrohet heroinë dhe kokainë në Kapshticë/ Policia “kap mat” 2 persona

23 Prill 2023, 16:19, Kronika CNA

Sekuestrohet heroinë dhe kokainë në Kapshticë/ Policia

Policia ka arrestuar D. T., 36 vjeç dhe M. K., 29 vjeç, të cilëve u ka gjetur dhe sekuestruar në kamionin me të cilin po udhëtonin drejt Greqisë, rreth 1.1 kg heroinë dhe 750 gr kokainë.

Sipas policisë, këta shtetas po tentonin të transportonin drogën drejt vendit fqinj.

"Finalizohet operacioni policor antidrogë i koduar “Pragu”. Sekuestrohen rreth 1.1 kg heroinë dhe 750 gr kokainë.

Tentuan të trafikonin sasi drogash të forta, drejt Greqisë, teksa udhëtonin me kamion, arrestohen në flagrancë 2 shtetas (drejtues dhe pasagjer në këtë automjet).

4 pakot me lëndë narkotike heroinë dhe kokainë iu gjetën të fshehura në trup dhe në çantë pasagjerit.

Shërbimet e Stacionit të Policisë Kufitare Kapshticë, si rezultat i intensifikimit të kontrolleve në hyrje/dalje, të bazuara në analizën e riskut dhe të mbështetura nga inteligjenca informative, kanë organizuar dhe finalizuar në bashkëpunim me Seksionin për Hetimin e Narkotikëve të DVP Korçë, operacionin policor antidrogë të koduar “Pragu”.

Falë shkëmbimit të menjëhershëm të informacionit me strukturat e DVP Korçë, shërbimet e Policisë Kufitare të Kapshticës kanë kaluar për kontroll në vijën e dytë, automjetin kamion tip "Man", me drejtues shtetasin D. T. dhe pasagjer shtetasin M. K.

Nga kontrollet e imtësishme në kamion dhe ndaj këtyre shtetasve, u gjetën 4 pako me lëndë të dyshuar narkotike kokainë dhe heroinë (rreth 1.1 kg heroinë dhe 750 gr kokainë), të cilat i kishte fshehur në trup, pasagjeri në këtë automjet, shtetasi M. K.

Në vijim të veprimeve procedurale u arrestuan në flagrancë shtetasit D. T., 36 vjeç dhe M. K., 29 vjeç, të dy banues në Elbasan, për veprën penale “Trafikimi i lëndëve narkotike”, kryer në bashkëpunim", shkruhet në njoftimin e policisë./CNA.al





Lajmet e fundit nga