web counter
LEXO PA REKLAMA!

SHKARKO APP

App Store
Google Play

U la në burg për vrasjen e 20-vjeçarit/ Flet avokati i 18-vjeçarit: Nuk ka kryer akte dhune

21 Prill 2023, 12:17, Kronika CNA
U la në burg për vrasjen e 20-vjeçarit/ Flet avokati i
Avokati i E.M

Avokati i 18-vjeçarit që u la në burg për vrasjen e S.T., 20 vjeç, ka deklaruar se klienti i tij është i pafajshëm dhe se nuk ka pasur dijeni për konfliktet mes viktimës dhe shokut të tij që kreu vrasjen.

Sipas avokatit, shtetasi E.M., 18 vjeç, nuk ka kryer asnjë akt dhune ndaj viktimës, përkundrazi është përpjekur që të ndalojë sherrin.

“Në vlerësimin tonë ky shtetas nuk ka lidhje me ngjarjen e rëndë. Është student në Holandë dhe ka ardhur më 13 prill, me biletë kthimi më 19 prill. Duke qenë se këto ditë ka takuar edhe shokët e tij, një prej tyre Axel Hoxhaj, duke lëvizur në trotuar ka ardhur një mjet, ka ndaluar dhe ka ndodhur ngjarja. Ka parë që shoku i tij ka shkuar në drejtim të shoferit, dhe për të shuar konfliktin ka tentuar të ndalojë dhe të mos lërë pasagjerin të dalë.

Më pas ai i vërsulet, dhe nga pamjet që dalin shihet se nuk bën asnjë veprim të dhunshëm kundër pasagjerit, por ai e sulmonte atë. Ensi Maze nuk ka parë asnjë hanxhar, as Hoxha nuk e ka informuar për ndonjë konflikt të mundshëm.

Maze është shok i Hoxhës dhe ka pasur njohje dhe me vajzën në fjalë, por nuk e ka informuar për konfliktet që ka pasur me persona të tjerë. Në pamjet e publikuara shihet se Manze nuk ka bërë asnjë dhunë ndaj pasagjerit, por e kundërta. Nëse nuk do kishte tentuar të bllokonte derën, do kishte agravuar më shumë.

Manze është vetëdorëzuar, në momentin që ka ndodhur ngjarja ka komunikuar me të atin dhe ka thënë se jam te stadiumi 'Arena' dhe aty ka shkuar ta marrë policia. Vajza ka deklaruar se nuk ka pasur asnjë lidhje apo konflikt me Mazen”, deklaroi avokati./ CNA.al





Lajmet e fundit nga