web counter
LEXO PA REKLAMA!

SHKARKO APP

App Store
Google Play

Video -  Policia “zbërthen” operacionin/ Ramazan Rraja u kap në lokal, në pranga edhe një tjetër person

19 Prill 2023, 22:54, Kronika CNA

Video -  Policia “zbërthen” operacionin/ Ramazan Rraja u

Policia e Shtetit ka zbardhur operacionin e arrestimit të Ramazan Rrajës, nipit të deputetit Rrahman Rraja, i cili ishte shpallur në kërkim për atentatin ndaj prokurorit Arjan Ndoja.

Blutë njoftojnë se ai u kap në një lokal në zonën e Fushë Krujës, me pistoletë në brez, me fishek në fole, gati për qitje.

Sipas policisë, 30-vjeçari që nga momenti i shpalljes në kërkim, nuk është larguar në asnjë moment jashtë shtetit, por fshihej në trekëndëshin  “Durrës - Lezhë  - Tiranë”.

Në momentin e kapjes, mbrëmjen e sotme, Ramazan Rraja shoqërohej me Louis Konomin, në kërkim nga Policia e Elbasanit, për veprën penale “Shtrëngimi me anë të kanosjes ose dhunës për dhënie pasurie”, të kryer në bashkëpunim.

“Strukturat operacionale dhe ato hetimore të Policisë së Shtetit, në kuadër të procedimit penal për zbardhjen e atentatit ndaj prokurorit A. N., si dhe në zbatim të urdhrit të ndalimit të lëshuar nga SPAK, pas caktimit nga Gjykata, të masës së sigurisë “Arrest në burg”, për shtetasin R. Rr., kanë vijuar kërkimet intensive për lokalizimin dhe kapjen e tij.

Në vijim të operacionit policor të koduar “Komploti”, të zhvilluar në janar të vitit 2023, nga Policia e Shtetit, për kapjen e 30-vjeçarit, strukturat operacionale dhe ato hetimore të Policisë së Shtetit dispononin informacion se shtetasi R. Rr. aktualisht  fshihej në zonën e Krujës.

Bazuar në këto informacione, mbrëmjen e sotme, në vijim të operacionit policor të koduar “Komploti”, u kap në një lokal në zonën e Fushë Krujës dhe u vu në pranga shtetasi i shumëkërkuar R. Rr., 30 vjeç.

Në vijim të këtij operacioni është kapur dhe vënë në pranga edhe shtetasi L. K. alias E. Ll., 39 vjeç, i cili shoqërohej me shtetasin R. Rr. dhe që ishte shpallur në kërkim në kuadër të një procedimi penal të vitit 2023, nga Policia e Elbasanit, për veprën penale “Shtrëngimi me anë të kanosjes ose dhunës për dhënie pasurie”, të kryer në bashkëpunim. 39-vjeçari do t’i dorëzohet Drejtorisë Vendore të Policisë Elbasan, për kryerjen e veprimeve të mëtejshme procedurale.

Strukturat e Policisë së Shtetit janë të angazhuara maksimalisht për lokalizimin, kapjen dhe vënien në pranga të shtetasve të shpallur në kërkim kombëtar dhe ndërkombëtar”, thuhet në njftimin e policisë./ CNA.al





Lajmet e fundit nga