web counter
LEXO PA REKLAMA!

SHKARKO APP

App Store
Google Play

E fundit!

x

Tritoli ndaj vëllezërve Duka/ Artan Hoxha: Ja çfarë synojnë autorët

18 Prill 2023, 22:53, Kronika CNA
Tritoli ndaj vëllezërve Duka/ Artan Hoxha: Ja çfarë
Gazetari Artan Hoxha

Në orët e para të mëngjesit të sotëm iu vendos një sasi tritoli banesës së Mehmet Dukës, babait të Leonard dhe Erlis Dukës, të cilët njihen si kundërshtarë të Ervis Martinajt.

Për këtë ngjarje ka folur mbrëmjen e sotme gazetari Artan Hoxha, i cili e ka lidhur tritolin e sotëm me sulmin e lokalit të Fatjon Muratajt në Don Bosko.

Hoxha tha në “Opinion” tritoli ndaj Muratajt dhe klanit Duka tregon se ka patur një aleacë. Sipas tij, autorët të tregojnë që janë në lojë dhe duan të nxjerrin kundërshtarin nga strofulla.

“Fakti që është vendosur në një banesë në të cilën ka jetuar babai i vëllezërve Duka, por ka kohë që nuk jeton atje, por jeton në një banesë më brenda në lagje, me një sistem sigurie më të mirë. Familja Duka ka qenë pikërisht atje ku ka qenë operacioni “Fijet e krimit”, që u hoqën kamerat e sigurisë.

Nuk besoj se autorët e ngjarjes kanë patur dyshime se babai i Dukëve jetonte aty. Sipas meje, ata e kanë vendosur eksplozivin aty për të çuar një mesazh kërcënues, për të thënë që ata janë gjallë. Dyshimet janë për njerëz të afërm apo të njohur, pjesë e grupit të Ervis Martinaj.  Leonard Duka është arrestuar në Belgjikë dhe ajo që u tha sot që është bërë për të penguar ekstradimin, nuk besoj se është e vërtetë, sepse ne nuk kemi marrëveshje ekstradimi me Blegjikën.

Ne nuk e kemi ende një panoramë të qartë se sa janë përfshirë në këtë konflikt. Këto ngjarje vërtetojnë atë që kemi thënë në fillim, që në eleminimin e Martinajt ka patur një aleancë grupesh kriminale.

Fakti që është goditur Murataj dhe tani klani Duka, tregon që ka patur një aleancë. Synojnë të tregojnë që janë në lojë dhe ta nxjerrin kundërshtarin nga strofulla”, theksoi gazetari./ CNA.al





Lajmet e fundit nga